too shana-sa e khara-sh e uqda e mush-kill nahi
aye gul e rangeen teray pehloo mein shaid dil nahi
zeb e mehfil hay shareek e shorash e mehfil nahi
yeh faraghat bazm e hasti mein mujhay hasil nahi
is chaman mein mein sarapa soz o saz e arzoo
our teri zindagani be gudaz e aarzoo
torr lena shakh say tujh ko mera aien nahi
yeh nazar gher az nigah e chasham e soorat been nahi
aah! yeh dast e jafa-joo aye gul e rangeen nahi
kis tarha tujh ko yeh samjhaoon keh mein gul-cheen nahi
kam mujh ko deeda e hikmat kay uljherroon say kia
deeda e bulbul say mein karta hoon nazzara tera
so zubanoon per bhi kha-moshi tujhay manzoor hay
raz wo kia hay teray seenay mein jo mastoor hay
meri soorat too bhi ik barg e rayaz e toor hay
mein chaman say door hoon too bhi chaman say door hay
mutma-in hay too ' pareshan misl e boo rehta hoon mein
zakhmi shamsheer e zoq e justajoo rehta hoon mein
yeh pareshani meri saman e jamee-yat na ho
yeh jigar zosi chara-gh e khana e hikmat na ho
natwani hi meri sarmaya e quwwat na ho
rash-k e jam e jum mera aina e rehmat na ho
yeh talash e muttasil sham e jahan afroz hay
tosan e idraak e insaan ko khiram aamooz hay
(Dr. Allama Muhammad Iqbal)