زندگی پاؤں نہ دھر جانب انجام ابھی
میرے ذمے ھیں ادھورے سے کئی کام ابھی
ابھی تازہ ھے بہت گھاؤبچھڑ جانے کا
گھیرلیتی ھے تیری یاد سرشام ابھی
جان دینے میں کروں دیر یہ ممکن ھے کہاں
مجھ تک آیا ھے میری جاں تیرا پیغام ابھی
توڑسکتاھے میرادل یہ زمانہ کیسے
میرے سینے میں دھڑکتاھے تیرا نام ابھی
میرے ھاتھوں میں ھے موجود تیرے ھاتھ کا لمس
دل میں برپاھے اسی شام کا کہرام ابھی
میری نظریں کریں کیسے تیرے چہرے کا طواف
میری آنکھوں نے تو باندھے نہیں احرام ابھی
یاد کےابر سے آنکھیں میری بھیگی ھیں عدیم
اک دھندلکا سا ھے بھیگی تو نہیں شام ابھی