Pakidilse.com

Shayari & Urdu Adab => Great Poets => Allama Iqbal => Topic started by: ahmed on June 02, 2011, 08:11 AM

Title: Khuda se husn ne ek roz yeh sawaal kiya
Post by: ahmed on June 02, 2011, 08:11 AM
Khuda se husn ne ek roz yeh sawaal kiya
Jahan mein kyon na mujhe tune lazawaal kiya

Mila jawaab ke tasweer khana hai dunya
Shabe draze udum ka fasana hai dunya

Hoi hai roz e taghayyur se jab namood uski
Wahi haseen hai haqiqat e zawaal hai jiski

Kahin Qareeb se yeh guftagu Qamar ne suni
Falak pe aam hoi akhter e sehar ne suni

Sehar ne sitare se sunkar sunai shabnam ko
Falak ki baat batadi zameen ke mehram ko

Phir aye phool ke aaNsoo payam shabnam se
Kali ka nannha sa dil khun ho gaya gham se

Chaman se rota hoa mausam e bahar gaya
Shabab sair ko ayaa tha sogwar gaya.
Title: Re: Khuda se husn ne ek roz yeh sawaal kiya
Post by: asad on March 30, 2012, 08:20 AM
 bohatshukria