Aisa Nahi Ke Hum Ko Mohabbat Nahi Mili
Jaisi Chahtey The Hum Ko Woh Ulfat Nahi Mili
Milney Ko Zindagi Main Kahin Hum-Safar Miley
Per Un Ki Tabiyat Se Tabiyat Nahi Mili
Chehroon Main Doosroo K Tumhain Doondtey Rahey
Surat Nahi Mili Kahin Seerat Nahi Mili
Bohat Dair Se Aaya Tu Mere Paas Kiya Kahoon
Alfaaz Doondney Ki Bhi Mohalat Nahi Mili
Tujh Ko Gilla Raha K Tawajja Na Di Tujhey
Laikin Humain Khud Apni Rafaqat Nahi Mili
Her Shaks Zindagi Main Bohat Dair Se Mila
Koi Bhi Cheez Waqt-E-Zaroorat Nahi Mili
Hum Ko To Teri Aadat Achi Lagi Irshad
Afsoos K Tujh Se Meri Aadat Nahi Mili
