Muhabbat rog hoti hai kaha bhi tha
rula ker khud bhi roti hai kaha bhi tha
kinaarey k qareeb lay jaa ker
ye kashti ko daboti hai kaha bhi tha
isay tum dil ki dharti ka pata mat dou
ye is mein dard boti hai kaha bhi tha
muhabbat mein khushi k baad gham ki rut
bohat nazdeek hoti hai kaha bhi tha
luta ker dil ko roney sey bhi kya haasil
bohat naa'yaab moti hai kaha bhi tha
azal sey is ki fitrat hai zamaaney ko
jaga ker khud ye soti hai kaha bhi tha
ye ser sey paa'on tak bus raakh ker dey gi
bohat bey dard hoti hai kaha bhi tha
