Jo Ho sakey To
Muhabbat k Shadeed Jazbon
Ki Shiddaton Ka Khayal Rakhna
Jo Dhal Rahay Hain
Meri Nigahon k Aansoun Se
Dukhon k Behtay Hue Yeh Dhaaray
Lahuu Ki Har Boond Se Sajay Hain
Tum Hi Vo Hasti Ho Jis Ko Dil Ne
Muqam-e-Mehboobiat Pe Rakha
Tumhari Ujlii Hansi k Sargam Ko
Dil k Taaron Se Baandh Rakha
Tumhari Baaton k Sab Shagofon Se
Sehan-e-Dil Ko Saja k Rakha
Yaqeen Rakhna Tumhara Chehra
k Jaisy Rag Rag Mein Bas Gaya Hay
Tumharay Janay Se Dil Ka Mousam
Udaasion Mein Badal Gaya Hay...!!
