Ab tou sadiyaan beet chuki hain
Tujhay meri yaad kyun nahi ayi
Mohabbat ki yeh kaisi giraft hai
Main kyun tairay kareeb chali ayi
Tunay anjaan ban kar bhi
Buna yeh mohabbat ka jaal
Main itna ulajh gayi iss main
Kaisay samjhaon yeh dil-e-haal
Tairay afsanoon main khoi
Main khudh ka wajood bhula chuki
Laikin najanay kyun teri har baat
Yaadoon main lipti, hai dil par likhi
Yeh kaisi kaifiyat hai
Iss nay kaid kar rakha hai mujhay
Ab shayad teri bahoon main ayay chaine
Itna hee kehna chahoon gi tujhay
Teri mohabbat main ab tou
Aansoon bhi pee jaon
Tujhay na yaad kar kay bhi
Har jaga tujhi ko paon
Par tunay yeh kya mazak kiya
Mohabbat ka kya sila diya
Rakha dil kay kareeb itna
Laikin phir bhi bhula diya.
