Author Topic: پاکستان اور سری لنکا کا سخت امتحان  (Read 167 times)

0 Members and 1 Guest are viewing this topic.

Offline ahmed

  • Sr. Member
  • *
  • Posts: 1305
  • Reputation: 10
  • Gender: Male
    • Email
پاکستان اور سری لنکا کا سخت امتحان

عبدالرشید شکور
بی بی سی اردو ڈاٹ کام، کولمبو

پریماداسا سٹیڈیم میں پاکستان اور سری لنکا نے پانچ پانچ میچ کھیلے ہیں

ورلڈ کپ کی رونقیں ہمبنٹوٹا سے کولمبو منتقل ہوچکی ہیں اور پریماداسا سٹیڈیم میں ہفتے کے روز پاکستان اور سری لنکا کی ٹیمیں سخت امتحان سے گزرنے والی ہیں۔

دونوں نے عالمی مقابلے کی ابتدا کمزور حریفوں کو با آسانی ہرا کر کی ہے۔

سری لنکا نے کینیڈا کو دو سو دس رنز سے شکست دی اور پاکستان نے کینیا کے خلاف دو سو پانچ رنز سے کامیابی حاصل کی۔

دو سابق عالمی چیمپئنز کے اس مقابلے پر جیسے پورے سری لنکا کی نظر ہے وہیں پاکستان میں بھی شائقین کو اس اہم میچ کا شدت سے انتظار ہے۔

مرلی دھرن، اجانتھا مینڈس، کولاسیکرا اور مالنگا کی بولنگ پر پاکستانی بیٹسمینوں کی آزمائش ہے تو دوسری جانب پاکستانی بولرز کا مقابلہ تلکارتنے دلشن، کمار سنگاکارا اور مہیلا جے وردھنے جیسے بیٹسمینوں سے ہے۔

کولمبو کے پریماداسا سٹیڈیم میں کھیلے جانے والے اس میچ کے ٹکٹ فروخت ہو چکے ہیں۔


پاکستان کی ٹیم بھی سری لنکا میں کافی مقبول ہے

اس میدان میں جہاں ایک جانب سری لنکن تماشائی اپنے کرکٹرز کو بھرپور انداز میں حوصلے بڑھانے کےلیے موجود ہوتے ہیں تو دوسری جانب پاکستانی ٹیم کو بھی شائقین کی بڑی تعداد سے داد ملتی رہتی ہے یہاں کے عوام پاکستانی ٹیم اور پاکستانی کرکٹرز کے بھی زبردست مداح ہیں۔

پریماداسا سٹیڈیم میں پاکستان اور سری لنکا نے ایک دوسرے کے خلاف پانچ پانچ ون ڈے جیتے ہیں البتہ یہاں کھیلے گئے آخری تینوں ون ڈے میچوں میں جیت پاکستانی ٹیم کی ہوئی ہے۔

دلچسپ بات یہ ہے کہ دونوں ٹیمیں اٹھارہ سال کے طویل عرصے بعد ورلڈ کپ میں مدمقابل ہو رہی ہیں۔

دونوں کے درمیان آخری بار 1992 کے عالمی کپ میں مقابلہ ہوا تھا جو پاکستان نے چار وکٹوں سے جیتا تھا۔ اس کے بعد سے چار ورلڈ کپ میں دونوں کا سامنا نہیں ہوا ہے۔

ورلڈ کپ مقابلوں میں دونوں کے درمیان چھ میچز ہوچکے ہیں اور تمام کے تمام پاکستان نے جیتے ہیں۔

اگر دونوں ٹیمیں سیمی فائنل یا فائنل میں مدمقابل نہ ہوئیں تو پاکستان کے خلاف یہ مرلی دھرن کا آخری ون ڈے انٹرنیشنل میچ ہوگا۔ جنہوں نے ورلڈ کپ کے بعد ون ڈے انٹرنیشنل کو خیرباد کہنے کا اعلان کر رکھا ہے۔

مرلی دھرن نے 335ون ڈے انٹرنیشنل میچوں میں اپنی510 وکٹوں میں سب سے زیادہ 95 پاکستان کے خلاف حاصل کر رکھی ہیں۔


Pakistan Zindabad




Offline King

  • Sr. Member
  • *
  • Posts: 1652
  • Reputation: 4
  • Gender: Male
Re: پاکستان اور سری لنکا کا سخت امتحان
« Reply #1 on: March 03, 2011, 03:55 AM »
thanks for sharing