Qalam ho teeg ho teesha ke dhaal mat cheeno
Kabhi kisi se kisi ka kamal mat cheeno
Khushi isi main agar hai to har khushi le lo
Yeh dukh yeh dard yeh Huzn-o-Malaal mat cheeno
Isi khalish ke sabab phir mujhe ubharna hai
Khuda ke waastay ehad-e-zawal mat cheeno
Main chor sakta nahi sath Isteqamat ka
Meri Azaan se Josh-e-Bilal Mat cheeno
Abhi kitaab na cheeno tum in ka hathon se
Hamare bachon ka husun-o-jamal mat cheeno
Hamari ankh main yaadon ke zakham rehne do
Hamare hath se phoolon ki daal mat cheeno
Abhi bujhao na Candle Na Cake Kaato abhi
Kuch Or Dair Mera Pichla Saal Mat Cheeno
Wasi Shah