Us ke hathon se jo Khushboo-e-Hina aati hai
Aisa lagat hai ke jannat se hawa aati hai
Choomne daar ko kis Dhaj se chala hai koi
Aaj kis naaz se maqtal main qaza aati hai
Na kabhi koi kare tujh se Tere jese sulook
Hath uthtay hi Yehi lab pe dua aati hai
Tere gham ko yeh bar-hana nahi rehne deti
Meri ankhon pe jo ashkon ki rida aati hai
Us ke chehray ki Tamazat bhi hai shaamil is main
Aaj tapti hui saawan ki ghata aati hai
Ghoomnay jab bhi tere shehar main jati hai wafa
Bain karti hui wapis woh sada aati hai
Hai wohi baat har ik lab pe Bohat aam yahan
Hum se jo kehte hue un ko haya aati hai
Wasi Shah