کوئی موسم ھو دل میں ھے تمھاری یاد کا موسم
کہ بدلا ھی نہیں جاناں تمھارے بعد کا موسم
نہیں تو آزما کر دیکھ لو کیسے بدلتا ھے
تمہارے مسکرانے سے دل نا شاد کا موسم
صدا تیشے سے جو نکلی دل شیریں سے اٹھی تھی
چمن خسرو کا تھا لیکن رھا فرھاد کا موسم
پرندوں نے زباں بدلی کہیں سے سیکھ لے تو بھی
نئی طرز فغاں ! اے دل کہ ھے ایجاد کا موسم
رتوں کا قاعدہ ھے وقت پر یہ آتی جاتی ھیں
ھمارے شہر میں کیوں رک گیا فریاد کا موسم
کہیں سے اس حسین کی خوشبو پکارے گی
تو اس کے ساتھ بدلے گا دل برباد کا موسم
قفس کےبام و درمیں روشنی سی آئی جاتی ھے
چمن میں آ گیا شاید لب آزاد کا مو سم
میرےشہر پریشاں!میں تیری بے چاند راتوں میں
بہت ہی یاد کرتا ھوں تیری بنیاد کا موسم
اب کوئی غم خزاں کا ھے نہ خواہش ھے بہاروں کی
ھمارے ساتھ ھے امجد کسی کی یاد کا موسم