Gungunatay Huey Aanchal Ki Hawa De Mujh Ko
Ungliyaan Phair K Baloon Main Sula De Mujh Ko
Jis Tarhan Falto Guldan Parey Rehtay Hain
Apnay Ghar K Kisi Konay Say Laga De Mujh Ko
Yaad Kar K Mujhay Takleef Hi Hoti Ho Gi
Aik Qissa Hon Purana Sa Bhola De Mujh Ko
Dobtay Dobtay Aawaaz Teri Sun Jaon
Akhri Bar Tu Sahil Say Sada De Mujh Ko
Main Terey Hijar Main Chup Chaap Na Mar Jaon Kahin
Main Hoon Saktay main Kabhi Aa K Rula De Mujh Ko
Dekh Main Ho Gaya Badnaam Kitabon Ki Tarhan
Meri Tash'heer Na Kar Ab Tu Jala De Mujh Ko
Rothna Tera Meri Jaan Liey Jaan Liey Jata Hai
Aisey Naraaz Na Ho, Huns K Dekha De Mujh Ko
Aur Kuch Bhi Nahin Manga Merey Malik Tujh Say
Us Ki Galiyon Main Pari Khaak Bana De Mujh Ko
Loog Kehtay Hain K Yeh Ishq Nigal Jata Hai
Main Bhi Is Ishq Main Aya Hoon, Dua De Mujh Ko
Yeh Hi Auqaat Hai Meri Terey Jeevan Main K Main
Koi Kamzoor Sa Lamha Hoon, Bhula De Mujh Ko