Hum Tum Board

Entertainment => News & Current Affairs => Topic started by: ahmed on February 22, 2011, 12:43 AM

Title: افغانستان:پچیس سے زائد پاکستانی امریکی قید میں
Post by: ahmed on February 22, 2011, 12:43 AM

افغانستان:پچیس سے زائد پاکستانی امریکی قید میں


(http://wscdn.bbc.co.uk/worldservice/assets/images/2011/01/16/110116200943_pul_charkhi.jpg)

افغانستان:پچیس سے زائد پاکستانی امریکی قید میں

افغانستان پر امریکہ کے گیارہ ستمبر کے حملوں کے بعد سینکڑوں کی تعداد میں پاکستانی شہری القاعدہ اور طالبان کے ساتھ روابط کے الزام میں گرفتار کیے گئے۔ ان میں سے بڑی تعداد میں گرفتار شہری کئی برسوں کی قید و بند کی صعوبتیں برداشت کرنے کے بعد بےقصور قرار پائے اور رہا کر دیے گئے۔ لیکن بعض ابھی بھی امریکی اور افغان جیلوں میں بغیر کسی عدالتی کارروائی کے رہائی کے منتظر ہیں۔

افغانستان میں قید اور لاپتہ پاکستانی
رہائی میں سب سے بڑی رکاوٹ
بیٹا افغانستان کیسے پہنچ گیا؟
’پاکستانی امریکی تحویل میں‘
ہارون رشید
بی بی سی اردو ڈاٹ کام، اسلام آباد

افغانستان میں امریکی فوج نے پہلی مرتبہ پچیس سے زائد پاکستانی قیدیوں کی موجودگی کی تصدیق کی ہے۔ تاہم امریکیوں نے ان کی مدت حراست یا شناخت کے بارے میں کچھ بتانے سے انکار کیا ہے۔ اس سے قبل امریکی قیدیوں کی شہریت یا تعداد بتانے سے گریز کرتے رہے ہیں۔

ادھر پاکستان کی وزارتِ خارجہ نے تصدیق کی ہے کہ بگرام کے علاوہ افغان جیلوں میں اس وقت دو سو پینسٹھ سے زائد پاکستانی قید ہیں۔ تاہم وزارت خارجہ کی معلومات امریکیوں کے بارے میں درست دکھائی نہیں دیتی ہیں۔

وزارت خارجہ کے ترجمان عبدالباسط نے بی بی سی اردو کو دیےگئے ایک انٹرویو میں امریکیوں کے حراست میں بیس افراد کی تصدیق کی تھی تاہم امریکیوں کے بیان کے مطابق یہ تعداد اس سے زیادہ ہے۔

کابل میں ایک امریکی فوج کے ترجمان نے بی بی سی اردو سروس کو بتایا کہ افغانستان میں انتہائی کم تعداد یعنی پچاس سے بھی کم کسی تیسرے ملک کے شہری ہیں۔ اس گروپ میں سے آدھ سے کچھ زیادہ پاکستانی ہیں۔

افغانستان میں انتہائی کم تعداد یعنی پچاس سے بھی کم کسی تیسرے ملک کے شہری ہیں۔ اس گروپ میں سے آدھ سے کچھ زیادہ پاکستانی ہیں۔خفیہ معلومات کو برقرار رکھنے اور امریکی فوجیوں، افغان عوام اور زیر حراست افراد کے تحفظ کی خاطر ہم پاکستانیوں کے بارے میں آپ کی دلچسپی کا جواب نہیں دے سکتے ہیں۔ اس کے علاوہ ہم افغان حکومت یا اپنے دائرہ اختیار سے زیادہ زیر حراست آپریشن کے بارے میں بات نہیں کرسکتے ہیں۔
امریکی فوج
’خفیہ معلومات کو برقرار رکھنے اور امریکی فوجیوں، افغان عوام اور زیر حراست افراد کے تحفظ کی خاطر ہم پاکستانیوں کے بارے میں آپ کی دلچسپی کا جواب نہیں دے سکتے ہیں۔ اس کے علاوہ ہم افغان حکومت یا اپنے دائرہ اختیار سے زیادہ زیر حراست آپریشن کے بارے میں بات نہیں کرسکتے ہیں‘۔

لیکن اس تمام صورتحال میں سب سے بڑا مسئلہ وہ لاپتہ لوگ ہیں جن کی واپسی کی آس ان کے اہل خانہ آج بھی لگائے بیٹھے ہیں۔ افغانستان میں ایسے گمشدہ افراد کی تعداد کتنی ہے اس بارے میں نہ تو ریڈکراس جیسی تنظیم اور نہ ہی پاکستانی یا امریکی کچھ بتانے کو تیار ہیں۔

وزارت خارجہ کے ترجمان عبدالباسط نے بھی ایسے لاپتہ افراد کی تعداد کے بارے میں لاعلمی کا اظہار کیا۔ ’اس قسم کے کیسز کے ہمارے پاس بدقسمتی سے اعدادوشمار موجود نہیں ہیں۔ جب بھی ہمارے سامنے کوئی ایسا کیس آتا ہے تو ہمارے پاس واحد طریقہ یہی ہے کہ افغان حکام یا اتحادی فورسز سے پوچھیں۔ آپ جانتے ہیں کہ افغانستان کی صورتحال کیا ہے لیکن اس بارے میں قطعی طور پر میں کچھ نہیں کہہ سکتا‘۔

عبدالباسط کا کہنا تھا کہ گزشتہ چار ماہ میں وہ اب تک چورانوے پاکستانی قید رہا کروا کر واپس لائے ہیں۔ تاہم امریکیوں کے پاس قید پاکستانیوں کی رہائی کے بارے میں ان کا کہنا تھا کہ وہ کوئی حتمی تاریخ نہیں دے سکتے ہیں لیکن امید کرتے ہیں کہ جلد رہا کر دیے جائیں گے۔ ’ان افراد کی رہائی کی کوششیں جاری ہیں۔’

’پہلے بھی امریکیوں نے بگرام سے پاکستانی چھوڑے ہیں۔ صدر اوباما نےگوانتانامو بے کی بندش کا فیصلہ کیا ہوا ہے لیکن اس میں دیر ہوئی ہے جس کی وجہ سے تاخیر ہو رہی ہے۔ لیکن ہمارا سفارت خانہ بگرام حکام سے رابطے میں ہے۔ ہم دو طرفہ مذاکرات میں بھی یہ معاملہ اٹھاتے رہتے ہیں۔ لیکن فیصلہ واشنگٹن میں ہی ہونا ہے‘۔

وزارت خارجہ نے گزشتہ دنوں لاہور ہائی کورٹ میں بھی افغانستان کے بگرام ائیر بیس پر سات پاکستانی قیدیوں کی تصدیق کرتے ہوئے کہا تھا کہ ان کی رہائی کے لیے سفارتی اور سیاسی سطح پر ہر ممکن کوششیں کی جارہی ہیں۔

دوسری جانب وزیر داخلہ رحمان ملک کا اصرار ہے کہ بگرام میں اب کوئی پاکستانی قیدی نہیں ہے۔ اس سے افغانستان میں امریکیوں کے زیرحراست پاکستانیوں کی تعداد کے بارے میں ابہام مزید بڑھ جاتا ہے۔

بی بی سی اردو کے لیے صحافی ظفر ملک کو دیے گئے خصوصی انٹرویو میں رحمان ملک نے افغانستان میں پاکستانی قیدیوں کے حوالے سے کہا کہ جب پاکستان اور افغانستان کے درمیان طے پانے والے ایکشن پلان پر عملدرآمد ہوگا تو یہ قیدی خود بخود پاکستان منتقل ہو جائیں گے۔

زیادہ تشویشناک بات ان پاکستانیوں کے بارے میں کوئی معلومات نہ ہونا ہیں جو امریکیوں، افغان حکام یا پھر افغان جنگجو سرداروں کی نجی جیلوں میں موجود ہیں اور ان کی کوئی بات نہیں کرتا۔ پاکستانی حکام اور حقوق انسانی کے کارکن ایسے قیدیوں کی موجودگی کی تصدیق تو کرتے ہیں لیکن تعداد بتانے سے قاصر ہیں۔
تاہم وزارت خاجہ نے اعتراف کیا کہ دونوں ممالک کے درمیان قیدیوں کے تبادلے کے معاہدے پر پیش رفت سست روی کا شکار ہے۔ ’اس معاہدے سے پاکستانی قیدیوں کو فائدہ ہوگا لیکن اس پر خاطر خواہ پیش رفت ہوئی۔ اس میں افغانستان کی صلاحیت کا مسئلہ ہے۔ اس وجہ سے تھوڑا بہت التوا ہے۔ تاہم ہماری معاہدے کی خواہش ہے‘۔

امریکیوں کے علاوہ افغانستان میں قید تقریبا دو سو پینسٹھ پاکستانیوں میں سے ایک سو اکیس عدالتوں سے سزا یافتہ ہیں۔ ان میں بھی اکثریت دہشت گردی اور طالبان یا القاعدہ سے روابط کے شک میں گرفتار ہیں۔

وزیرِ خارجہ شاہ محمود قریشی کی جانب سے گزشتہ دنوں قومی اسمبلی کو بتایا گیا کہ سزا یافتہ قیدیوں میں سے چھبیس طالب، تنتالیس دہشت گرد، بیس غیر قانونی طور پر ملک میں داخل ہونے، چھ جاسوسی، دس منشیات کی سمگلنگ، سات خود کش حملہ آور، دو مسلح حملوں، ایک فراڈ، دو دھماکہ خیز مواد، دو طالبان ایسو سی ایشن، ایک ملک دشمنی اور ایک لڑکی کے اغوا کے مقدمات میں سزا یافتہ ہیں۔

لیکن زیادہ تشویشناک بات ان پاکستانیوں کے بارے میں کوئی معلومات نہ ہونا ہیں جو امریکیوں، افغان حکام یا پھر افغان جنگجو سرداروں کی نجی جیلوں میں موجود ہیں اور ان کی کوئی بات نہیں کرتا۔ پاکستانی حکام اور حقوق انسانی کے کارکن ایسے قیدیوں کی موجودگی کی تصدیق تو کرتے ہیں لیکن تعداد بتانے سے قاصر ہیں۔

لاپتہ افراد کی بازیابی کے لیے پاکستان میں تحریک چلانے والی آمنہ مسعود جنجوعہ نے گزشتہ دنوں کابل میں پاکستانی سفیر کے نام ایک خط میں الزام عائد کیا کہ بعض اطلاعات کے مطابق امریکی حکام ان کے زیر حراست قیدیوں کو رہا کرنا چاہتے ہیں لیکن پاکستان حکام انہیں تحویل میں لینے میں دلچسپی نہیں دکھا رہے ہیں۔

Title: Re: افغانستان:پچیس سے زائد پاکستانی امریکی قید میں
Post by: Allahwala on February 23, 2011, 01:36 AM

hmm tuba