Meri Aankhon ki Ab Piyaas Bhujhay
Jannat ka Nazaara karwa do
Allah kay Dilbar Piyare Nabi
Ahsaan ye Ham par Farma Do
Ik Baar Madina Dikhla Do
Zam-Zam ka piyein gay Ham Paani
Dekhain gay Wo Kaaba-e-Rabbani
Allah ki Rahmat ka Manzar
Har Koocha-e-Taiba-e-Noorani
Mitti bi wahaaN ki Soona ha
Har zarra wahan ka Mooti ha
Sarkar Tumhari Nagri ki
Har cheez suhaani Lagti ha
Faryaad ye Tum say ha Aaqa
Har Bigra Muqaddar Chamka Do
Ik Baar Madina Dikhla Do
Gham-Khawar ho sari ummat kay
Yaa Shah-e-Madina Sall-e-Alla
Har aik gunehgaaron ka liye
Darbar Tumahra Sall-e-Alla
Gunmbad kay HaseeN saaye ma ham
Darbaar Tumhara dekhain gay
Taiba ki ZameeN say Janant ka
Noorani Nazara dekhain gay
Be-Chain ye mera dil ha yahaaN
Sarkar Issay Tum Samjha Do
Ik Baar Madina Dikhla Do
Ham par ya nawazish kar dijiye
Mola sa safarish kar dijiye
Ham log bi hajj karnay aaein
Ham apne gunah ko bakhshwaein
Tum Nabiyon kay Sultan banay
Phir aap kay ham Mehmaan banay
Laaein gay Daroodon ki daali
Choomein gay Sunehri ham Jaadli
Aay dukhion kay Gham-khwaar Nabi
Ham sab ki tamanna bas ha yahi
Ik Baar Madina Dikhla Do
Tum Shaafa-e-Mehshar ho Aaqa
Tum Saqi-e-Koosar Ho Aaqa
Yaa Shah-e-Umamm Sultan-e-JahaaN
Tum piyaar kay saagar ho Aaqa
Allah nay do aalam ki Tumhain
Bakhshi ha Nabi jee Sultani
Tum Awal-o-Aakhir Khatm-e-Russul
Ho Saare JahaaN ma Lasaani
TARIQ ye tumhara aashiq ha
Taiba ka Ticket aik bhijwa do
Ik Baar Madina Dikhla Do