Pakidilse.com

Tasawwuf => Tasawwuf & more => sufiana poetry => Topic started by: Ajnabi on September 28, 2012, 08:29 PM

Title: تیڈے نیناں تیر چلایا، تیڈی رمزیں شور مچایا
Post by: Ajnabi on September 28, 2012, 08:29 PM
کلام; حضرت خواجہ غلام فرید

تیڈے نیناں تیر چلایا، تیڈی رمزیں شور مچایا
المست ہزار مرایا، لکھ عاشق مار گنوایا
ابراہیمّ اڑاہ اڑایو، بار برہوں سر چایا
صابرّ دے تن کیڑے بچھے، موسیّٰ طور جلایا
زکریاّ کلوتر چرایو، یحیٰ گھوٹ کونہایا
یونسّ پیٹ مچھی دے پایو، نوحّ طوفان لُڑھایا
شاہ حسنّ کوں شہر مدینے، زہر دے جام پلایا
کربل دے وچ تیغ چلا کر ایڑھا کیس کرایا
شمس الحق دی کھل لوھایو ، سرمد سر کپوایا
شاہ منصور چڑھایو سولی ، مستی سانگ رسایا
مجنوں کارنڑ لیلی ہوکر ، سو سو ناز ڈکھایا
خسرو تے فرہاد دے کارنڑ شیریں نام دھرایا
درد دا بار اُٹھایا ہر ہک ، اپڑاں وقت نبھایا
کر قُربان فرید سر اپنڑاں، تیڈڑا وارا آیا
Title: Re: تیڈے نیناں تیر چلایا، تیڈی رمزیں شور مچایا
Post by: ahmed on October 03, 2012, 12:18 AM
 JazaKallah