Recent Posts

Pages: [1] 2 ... 10
1
sufiana poetry / سواد-صورتَ نفس امارے دی
« Last post by Master Mind on March 26, 2019, 10:22 AM »
سواد-صورتَ نفس امارے دی
کوئی کتا گلر کالا ہو ۔
کوکے نوکے لہو پیوے،
منگے چرب نوالا ہو ۔
کھبے پاسیوں اندر بیٹھا
دل دے نال سمبھالا ہو ۔
ایہہ بد بخت ہے بھکھا باہو
اﷲ کرسی ٹالا ہو ۔
2
sufiana poetry / ضواد-ضروری نفس کتے نوں
« Last post by Master Mind on March 26, 2019, 10:22 AM »
ضواد-ضروری نفس کتے نوں
قیمہ قیمہ کچیوے ہو ۔
نال محبت ذکر اﷲ دا،
دم دم پیا پڑھیوے ہو ۔
ذکر کنوں حق حاصل ہندا
زاتو ذات دسیوے ہو ۔
دوویں جہان غلام اوہناں دے باہو
جنہاں ذات لبھیوے ہو ۔
3
sufiana poetry / زوئے-ظاہر ویکھاں جانی تائیں
« Last post by Master Mind on March 26, 2019, 10:21 AM »
زوئے-ظاہر ویکھاں جانی تائیں
نالے اندر سینے ہو ۔
برہں ماری نت پھراں میں،
ہسن لوک نابینے ہو ۔
میں دل وچوں ہے شہہ پایا،
جاون لوک مدینے ہو ۔
کہے فقیر میراں دا باہو
اندر دلاں خجینے ہو ۔
4
sufiana poetry / زے-زبانی کلمہ ہر کوئی پڑھدا
« Last post by Master Mind on March 26, 2019, 10:20 AM »
زے-زبانی کلمہ ہر کوئی پڑھدا
دل دا پڑھدا کوئی ہو ۔
جنہاں کلمہ دل دا پڑھیا
تنھاں نوں ملدی ڈھوئی ہو ۔
دل دا کلمہ اشک پڑھدے،
کی جانن یار گلوئی ہو ۔
مینوں کلمہ پیر پڑھایا باہو،
سدا سوہاگن ہوئی ہو ۔
5
sufiana poetry / زے-زاہد زہد کماندے تھکے
« Last post by Master Mind on March 26, 2019, 10:20 AM »
زے-زاہد زہد کماندے تھکے
روضے نپھل نمازاں ہو ۔
عاشق غرق ہوئے وچ وحدت
نال محبت رازاں ہو ۔
مکھی قید شہد وچ ہوئی،
کی اڈسی نال شاہبازاں ہو ۔
جنہاں مجلس نال نبی دے باہو
اوہ صاحب ناز نوازاں ہو ۔
6
sufiana poetry / زال-ذکر کنوں کر فکر ہمیشہ
« Last post by Master Mind on March 26, 2019, 10:19 AM »
زال-ذکر کنوں کر فکر ہمیشہ
ایہہ لفظ تکھا تلواروں ہو ۔
کڈھن آہیں جان جلاون،
فکر کرن اسراروں ہو ۔
فکر دا پھٹیا کوئی نہ جیوے
پٹے مڈھ پہاڑوں ہو ۔
حق دا کلمہ آکھیں باہو،
ربّ رکھے فکر دی ماروں ہو ۔
7
sufiana poetry / زال-ذاتی نال نہ ذاتی رلیا
« Last post by Master Mind on March 26, 2019, 10:18 AM »
زال-ذاتی نال نہ ذاتی رلیا
سو کم ذات سدیوے ہو ۔
نفس کتے نوں بنھ کراہاں
قیمہ قیمہ کچیوے ہو ۔
ذات سپھاتوں مہنا آوے
ذاتی شوق نہ پیوے ہو ۔
نام فقیر تنھاں دا باہو،
قبر جنہاں دی جیوے ہو ۔
8
sufiana poetry / یہ-یار یگانہ ملسی تاں
« Last post by Master Mind on March 26, 2019, 10:17 AM »
یہ-یار یگانہ ملسی تاں
جے سر دی بازی لائیں ہو ۔
عشقَ اﷲ وچ ہو مستانہ
ہو ہو سدا الائیں ہو ۔
نال تصور اسم اﷲ دے،
دم نوں قید لگائیں ہو ۔
ذاتی نال جے ذاتی رلیا
تد باہو نام صدائیں ہو ۔
9
sufiana poetry / واؤ-وحدت دا دریا الٰہی
« Last post by Master Mind on March 26, 2019, 10:16 AM »
واؤ-وحدت دا دریا الٰہی
عاشق لیندے تاری ہو ۔
مارن ٹبھیاں کڈھن موتی
آپو اپنی واری ہو ۔
در یتیم لئے لشکارے،
جیوں چن لاٹ ماری ہو ۔
سو کیوں نہیں حاصل بھردے باہو
جہڑے نوکر نے سرکاری ہو ۔
10
sufiana poetry / سین-سوز کنوں تن سڑیا سارا
« Last post by Master Mind on March 26, 2019, 10:14 AM »
سین-سوز کنوں تن سڑیا سارا،
دکھاں ڈیرے لائے ہو ۔
کوئل وانگ کوکیندی وتاں،
مولٰی مینہہ وسائے ہو ۔
بول پپیہیا ساون آیا،
ونجے نہ دن اجائیں ہو ۔
ثابت صدق تے قدم اگاہاں باہو،
ایہہ گلّ یار ملائے ہو ۔
Pages: [1] 2 ... 10