NAQSH E WAFAA
Hamein kis tarah bhool jaaegi duniya
Ke dhoo'ndhe se humsaa na paaegi duniya
Mujhe kiya Khabar thi ke naqsh-e-wafaa ko
Bigaaregi duniya, banaaegi duniya
Muhabat ki duniya mein khoyaa huwa hun
Muhabat bharaa mujhko paaegi duniya
Hamein khoob de fareb-e-muhabat
Hamaare na dhoke mein aaegi duniya
Qayaamat ki duniya mein hai dil-farebi
Qayaamat mein bhi yaad aaegi duniya
Rulaa doo'n mein behzaad duniya ko khud hi
Ye mujh-ko bhalaa kiya rulaaegi duniya....
