Baarish ki boonday jab
Aasmaan say girti hain
Chehray ko choo kar jab
Dosroon say ja milti hain
Dil say aik aah nikalti hai
Kay kaash main barish ki tarhan
Baraasnay ka ikhtiyaar rakhti
Keh jo toufaan seenay main uthtay hain
Unka samna dat kar karti
Aur phir chand lamho kay liyay bas
Har taraf tashaffi chahti
Gham kay kalay badal garjtay
Baras kar, bas guzar jaytay...
Keh shayad aisa ho jayay
Aik raah sa’af ho jayay
Aaisi raah jo Allah ki taraf jaati ho
Jo mujhay Uski mohabbat say milati ho
Bas woh rah roshan nazar ayay
Mujhay apni taraf pukarti chali jayay
Keh agar dikhay koi asraa mujhay
Aur uskay saharay chalna paray
Zameen ki geeli miti main bayshaq
Apnay honay kay nishaan choodhnay parain
Aisay nishaan jo meri gawahi dain
Dil ki gehrai, uski faryaad sun lain
Laikin bas kahin thooda araam kar loon
Thak gayi hoon chal chal kay
Kay ab ladnay ka ikhtataam kar doon
Kay khamooshin kay sanatay main
Shayad koi awaz sunai day
Allah mujhay pukaray, paas dikhai day
Tou shayad mujh main thodi himat ajayay
Jeena ki aas, koi jazba cha jayay
Kuch kar dikhanay ki chah ho
Zakhm barhnay ko ho
Dil kay gham dhul jayain khudhi
...Kaash kay aisi kabhi baarish ho.
