Sagittarius (Horoscope) برج قوس

[Master Mind]

ج قوس
قوس دائرئہ بروج کا نواں برج ہے اور آتشی تکون کا تیسرا رکن۔ اس کی ماہیت تغیرپذیری ہے۔ اعضائے جسمانی میں جگر اور رانیں اس کے زیراثر ہیں۔ اعصابی نظام بھی اس کے حلقہ اثر میں آتا ہے۔ آئین و قانون اور مذہب سے متعلق ہے، لہٰذا حیات و کائنات کی تنظیمی قوتوں کا مظہر ہے۔
برج قوس کے زیراثر پیدا ہونے والے افراد(مرد و خواتین) پُرکشش، مقناطیسی شخصیت کے مالک اور متحرک رہنے والے ہوتے ہیں۔ آئین و قانون کی پابندی کو پسند کرتے اور مذہبی نظریات میں انتہاپسندانہ معیار رکھتے ہیں، (بعض اس کے بالکل برعکس مذہب یا روایتی نظریے سے بغاوت بھی کر دیتے ہیں) یہ لوگ فراخ دل، روشن خیال، عملی قوتوں سے بھرپور، جہدمسلسل سے نہ تھکنے والے، جلدباز، اقتدار پسند لیکن کم زور کا ساتھ دینے والے ہوتے ہیں۔ مہم جوئی ان کی فطرت اور چیلنج قبول کرنا عادت ہوتی ہے، اسی لیے جسمانی مشقت کے کھیلوں سے خصوصی دل چسپی رکھتے ہیں۔
برج کا طرہ امتیاز

قانونی موشگافیاں اور حکومت و دانائی اس برج کا طرئہ امتیاز ہے۔ قوس شخصیت کے مثبت پہلوﺅں میں اصول پسندی، دیانت داری، سرگرمی و پُرجوشی، صاف گوئی و صاف دلی، بے خوفی و حوصلہ مندی،فطرت پسندی، آزادروی، ذہانت و تجسس، فراخ دلی و سخاوت، آرزومندی اور اسپورٹس مین شپ شامل ہیں جب کہ منفی پہلوﺅں میں شیخی، جارحیت، ضرورت سے زیادہ خوداعتمادی، مبالغہ آرائی، بے اصولی، اکھڑپن، بے توجہی، سرکشی و نافرمانی، احمقانہ باتیں و حرکات نمایاں ہیں۔
مثبت یا منفی پہلوﺅں میں کمی یا زیادتی کسی بھی قوس مرد یا عورت کے انفرادی زائچہ پیدائش میں کچھ دوسرے عوامل(سیارگان کی پوزیشن) پر انحصار کرتی ہے۔ اگر پیدائشی زائچے میں سیارے سعد اور باقوت اثر رکھتے ہیں تو مثبت خصوصیات نمایاں ہوں گی اور منفی پہلو دب جائیں گے جب کہ برعکس صورت میں منفی پہلو نمایاں ہوں گے۔
عقرب اور قوس کی حد اتصال

اگر آپ کی تاریخ پیدائش 21 تا 24 نومبر کے درمیان ہے تو آپ برج عقرب اور قوس کی اتصالی حد پر پیدا ہوئے ہیں۔ ایسے افراد یا تو شہرت کی بلندیوں پر پہنچتے ہیں یا گمنامی کی زندگی گزارتے ہیں۔ ان کی زندگی مہم جوئی اور سنسنی خیز واقعات سے بھرپور ہوتی ہے یا کم از کم دوسروں کے مقابلے میں کچھ غیرمعمولی ضرور ہوتی ہے۔ ان لوگوں کی زندگی میں جذباتیت، روحانیت، تحقیق و تجسس، حقیقت پسندی، آزادی، قوانین کی پابندی اور نظم و ضبط کے معاملات وقتاً فوقتاً اہمیت اختیار کرتے رہتے ہیں، گویا ان کی زندگی ایک طرح سے اتار چڑھاﺅ کا شکار ہوتی رہتی ہے اور یہ نفع نقصان کے پھیر میں پریشان ہوتے رہتے ہیں۔ ان کے ساتھ زیادتی بھی ہوجائے تو یہ اسے فراموش کر دیتے ہیں مگر بعض معاملات میں چھوٹی چھوٹی باتوں کو بھی اہمیت دینے لگتے ہیں لیکن ان سب باتوں کو حالات کے مجموعی تناظر میں رکھ کر دیکھیں تو ان لوگوں میں وسیع تر انسانی اقدار اور روحانی تصورات کے بدولت خود کو منوانے کی صلاحیت بھی موجود ہوتی ہے اوریہ اپنے لیے ایک ممتاز مقام حاصل کر سکتے ہیں۔
قوس شخصیت و کردار

برج قوس اچھی قسمت، ترقی اور وجدان کی علامت ہے۔ قوس کا حاکم سیارہ مشتری وسعت اور پھیلاﺅ سے متعلق ہے، اس لیے یہ لوگ زیادہ سے زیادہ حصول کی اہلیت رکھتے ہیں اور جو کرنا چاہتے ہیں، کر سکتے ہیں۔ ان کی شخصیت میں ذہنی صلاحیتوں کا استعمال، خوش قسمتی اور بلندخیالی پائی جاتی ہے۔ فطرتاً یہ مضطرب و بے چین ہوتے ہیں۔ ہر دم ذہنی و جسمانی طور پر مصروف عمل رہنا چاہتے ہیں۔ انہیں کسی مقام یا چیز تک محدود کرنا آسان نہیں، اگر ایسی کوئی کوشش کی جائے تویہ بغاوت پر آمادہ ہو سکتے ہیں۔ یہ افراد اگرچہ گھریلو آرام و سکون کو پسند کرتے ہیں مگر انہیں ”گھریلو افراد“ نہیں کہا جا سکتا۔
قوس شخصیات میں فطرت سے لگاﺅ اور محبت، سیر و تفریح کے وافر جذبات ہوتے ہیں۔ جانوروں سے انہیں خصوصی طور پر بہت دل چسپی ہوتی ہے، جن میں گھوڑا اور کتا سرفہرست ہیں۔ برج قوس کا نشان تیر وکمان ہے اور قوسی افراد کے اعمال بھی تیر کی طرح بہت سیدھے، واضح اور سچے ہوتے ہیں۔ بات چیت میں بھی یہ چھل، فریب اور بناوٹ سے کام نہیں لیتے۔ یہ لوگ ہنس مکھ، مہربان و ملنسار اور خوش امید ہوتے ہیں مگر بعض اوقات ضرورت سے زیادہ خوداعتمادی اور خودپسندی ان کے مزاج پر غالب آجاتی ہے۔ مصلحت اندیشی کا دامن چھوٹ جاتا ہے اور مبالغہ آرائی میں مبتلا ہو جاتے ہیں۔
قوس افراد اپنے ساتھ مہربانی اور بہتر سلوک کرنے والوں کو فراموش نہیں کرتے اور موقع ملتے ہی اس کا مناسب اور موزوں انداز میں بدلہ چکا دیتے ہیں لیکن اپنی آزادی کو ہرچیز پر مقدم سمجھتے ہیں۔ دوسروں کے سامنے جھکنا، تابعداری یا اپنی کم زوری کا اظہار ان کی فطرت کے خلاف ہیں۔ قوس دائرئہ بروج کا نواں برج ہے۔ اس کا تعلق لمبے سفر اور بیرون ملک دل چسپیوں سے بھی ہے، لہٰذا سفر انلوگوں کی زندگی میں بڑی اہمیت رکھتا ہے۔ حرکت اور مسلسل تگ و دو قوسی کردار کی نمایاں خصوصیت ہے۔ عموماً ان کی بے چین طبیعت انہیں ایک جگہ ٹکنے نہیں دیتی۔ زندگی کے ہر معاملے میں بذریعہ گفتگو اپنے سوالات کے جوابات کا حصول اور ان کے تجزیے کی عادت بھی بہت اہمیت رکھتی ہے۔ یہ عادت ان کے فیصلوں پر بھی اثرانداز ہو سکتی ہے۔ ان کی صاف گوئی سے دوسرے لوگ کسی قسم کی بدگمانی کا شکار نہیں ہوتے اور ان کے بارے میں غلط رائے قائم نہیں کرتے۔
قوس کا عشرہ اوّل

یہ برج 30 درجے تک محیط ہے، اسے تین مساوی حصوں میں تقسیم کیا جائے تو ہر حصہ آپ کی قوسی خصوصیات کے کچھ مختلف پہلو اجاگرکرتا ہے۔ اگر آپ 23 نومبر سے 2 دسمبر تک کسی بھی تاریخ کو پیدا ہوئے ہیں تو یہ عشرہ سیارہ مشتری ہی کے زیراثر ہے۔ اس عشرے میں پیدا ہونے والے افرد بہت صاف گو اور دیانت دار ہوتے ہیں۔ شگفتہ مزاجی، فراخ دلی اور ہم دردی ان کی نمایاں خصوصیت ہے۔ دولت کمانا ان کے لیے مشکل نہیں ہوتا مگر یہ اسے خرچ بھی تیز رفتاری سے ہی کرتے ہیں۔ ان کی گھریلو سکون یا رومانس کی خواہش کبھی کبھی دوسروں کو ناامید بھی کر سکتی ہے۔ ان لوگوں کو موقع شناسی کا فن سیکھنا چاہیے۔ اس عشرے میں پیدا ہونے والے افراد زندگی کے آخری دور میں کامیاب زندگی گزارتے اور دوسروں کے لیے ایک مثال بن جاتے ہیں۔
قوس کا عشرہ دوم

اگر آپ کی تاریخ پیدائش 3 دسمبر سے 11 دسمبر تک ہے تو آپ برج قوس کے دوسرے عشرے سے تعلق رکھتے ہیں، جس کا ذیلی حاکم سیارہ مریخ ہے، یعنی آپ مشتری کے ساتھ مریخ کے بھی زیراثر ہیں۔ دیگر قوسی افراد کی بہ نسبت آپ کے اندر زیادہ قوت حیات اور شدت جذبات موجود ہے۔ آپ مزاجاً من موجی، جلدباز، سخت جدوجہد کرنے والے، بہت پُرجوش و طیش میں آجانے والے انسان ہو سکتے ہیں لیکن آپ کی طبیعت میں کسی قسم کا گھٹیاپن یا تنگ نظری ہرگز نہیں ہوگی۔ آپ کم ظرف یا کینہ پرور نہیں ہیں اور اپنی ذمے داریوں سے زیادہ بوجھ بھی برداشت کرنے کو تیار رہتے ہیں۔ روشن خیال اور وسیع القلبی آپ کا خاص وصف ہے۔ کوئی ناکامی آپ کو بددل و مایوس نہیں کرسکتی۔ آپ کسی نقصان یا زوال کے بعد دوبارہ کمر ہمت کس کر اپنی حیثیت کو بحال کرنے کی بے انتہا صلاحیت رکھتے ہیں۔ ان خوبیوں کے ساتھ ایک خامی بھی آپ کی شناخت ہے اور یہ کہ آپ بہت کھلا طرزاظہار رکھتے ہیں۔ ہر چیز کی خوبی یا خامی واضح الفاظ میں پوری بے باکی کے ساتھ بیان کر دیتے ہیں اور آپ کو یہ فکر بھی نہیں ہوتی کہ اس طرح کسی کی دل آزاری بھی ہو سکتی ہے۔
قوس کا تیسرا عشرہ

اگر آپ 12 دسمبر سے 21 دسمبر تک کسی تاریخ کو پیدا ہوئے ہیں تو آپ کا تعلق برج قوس کے تیسرے عشرے سے ہے۔ اس عشرے پر سیارہ شمس(سورج) کے اثرات پڑ رہے ہیں، لہٰذا آپ کی شخصیت مشتری کے ساتھ شمس کے اثرات بھی رکھتی ہے۔ اس طرح آپ قوس کے پہلے دونوں عشروں میں پیدا ہونے والے قوسی افراد سے بہت مختلف ہیں۔ سیارہ شمس کے اثر کی وجہ سے اس عشرے میں پیدا ہونے والے افراد میں وجدانی قوت بہت زیادہ بڑھ جاتی ہے۔ وہ بڑے صاحب بصیرت اور اعلیٰ پائے کے منتظم ثابت ہوتے ہیں یا بلندپایہ مذہبی اسکالر اور پیشوا وغیرہ بھی ہو سکتے ہیں۔ شاید یہ لوگ ہر مقصد کو حاصل کرنے کے لیے پیدا کیے گئے ہیں۔ دوسروں کی توجہ بہت جلد ان کی جانب ہو جاتی ہے اور یہ دوسروں سے تعلقات میں بہت قابل اعتماد، وفادار اور انتہائی اعلیٰ ظرف و فراخ دل ہوتے ہیں۔ ان لوگوں کا اپنی بلند خواہشات کی تکمیل کا بھی ایک الگ ہی (ڈرامائی) انداز ہوتا ہے۔ ان کی زندگی میں معیارات کو بڑی اہمیت حاصل ہے، گھٹیا اور کم زور چیزوں کی ان کی زندگی میں کوئی گنجائش نہیں۔ یہ لوگ کلیدی عہدوں پر کام کرنا پسند کرتے ہیں یا پھر ذاتی کاروبار کی طرف متوجہ ہوتے ہیں۔
قوس بچہ

قوس بچوں میں تغیرپذیری کا رجحان بہت زیادہ ہوتا ہے، اسی وجہ سے ان میں کنفیوژن اور غیریقینی کی کیفیت پیدا ہوجاتی ہے اور بعض اوقات انہیں سمجھانا بہت مشکل ہوجاتا ہے۔ ان کے بارے میں قبل از وقت کوئی اندازہ قائم کرنا مشکل ہوتا ہے، وہ سرکش، نافرمان اور غصہ ور ہو سکتے ہیں، چناں چہ قوس بچے کی پرورش والدین کے لیے ایک دانش مندانہ کارنامہ ہوتا ہے۔
یہ بچے پیدائشی طور پر حوصلہ مندہوتے ہیں اور ان کے خوابوں میں حقیقت کا رنگ بھرنے کے لیے ان کی پرورش کے ابتدائی سال بڑی اہمیت رکھتے ہیں۔ یہ توانا اور صحت مند ہوتے ہیں۔ انہیں گہرے سانس لینے کی عادت ڈالنا چاہیے۔ کھلے میدان میں تازہ ہوا ان کے لیے بہت مفید ثابت ہوتی ہے۔بند کمروں اور گھٹے ہوئے ماحول میں یہ بے چینی محسوس کرتے ہیں جس کی وجہ سے ان کا اعصابی نظام متاثر ہو سکتا ہے اور اس کا نتیجہ کسی چوٹ یاحادثے کی صورت میں ظاہر ہوگا۔ دوسرے برجوں کے زیراثر پیدا ہونے والے بچوں کے مقابلے میں قوسی بچے حادثات کا زیادہ شکار ہوتے ہیں۔ یہ بچے نہایت ذہین، حوصلہ مند، متجسس اور صاف گو ہوتے ہیں، لہٰذا جھوٹ اور منافقت ان کے ذہن پر نہایت منفی اثرات ڈالتی ہے۔ یہ زیادہ دیر گھر میں محدود ہوکر نہیں رہ سکتے۔ جلدبازی اور بے صبری بھی ان میں نمایاںہوتی ہے۔ یہ جانوروں سے محبت کرتے ہیں۔ ان کی دل چسپی کے لیے گھر میں کوئی پالتو جانور رکھنا بہتر ہوتا ہے۔
قوس شوہر

شاید قوسی افراد کو گھرداری کے لیے پیدا نہیں کیا گیا۔ ان کی آزادرو اور وسعت پسند طبیعت انہیں گھر کی محدود فضا میں زیادہ عرصہ خوش نہیں رکھ سکتی۔ وہ عالمی امور، اسپورٹس کی سرگرمیوں اور اپنے کاروباری یا پیشہ ورانہ معاملات کی طرف رات دن متوجہ رہتے ہیں لیکن گھر میں کیا ہو رہا ہے، اس کےبارے میں انہیں اکثر کچھ پتا نہیں ہوتا۔ ان کے خیال میں یہ بیوی کا شعبہ ہے اور وہ اس میں غیرضروری دل چسپی اور مداخلت پسند نہیں کرتے، اسی لیے انہیں ایک ہوشیار اور دانش مند بیوی کی ضرورت ہوتی ہے۔ اگرچہ یہ ضرورت تو ہر شوہر کو ہوتی ہے لیکن قوس کو اپنی بیرونی سرگرمیوں اور دل چسپیوں میں زیادتی کی وجہ سے ایسی بیوی چاہیے ہوتی ہے جو گھر اور خاندان کے تمام مسائل سے تنہا نمٹنے کی صلاحیت رکھتی ہو۔ قوس افراد اکثر و بیشتر رشتے داروں سے تعلقات میں کوئی دل چسپی یا گرم جوشی ظاہر نہیں کرتے، خواہ یہ خون کے رشتوں کا معاملہ ہی کیوں نہ ہو۔ ان کی اپنے گھر اور خاندان سے لاتعلقی کا یہ انداز عموماً ان کے بارے میں غلط تاثر قائم کرتا ہے اور ان کے اہل خانہ ان کے بارے میں خراب رائے قائم کر لیتے ہیں۔
قوس افراد اکثر اپنے اہل خانہ کو بہت زیادہ آزادی دے دیتے ہیں۔ وہ بڑا گھر اور زیادہ اولاد پسند کرتے ہیں۔ اپنے بچوں کو زیادہ آزادی دینا ان کی ایک غلطی ہو سکتی ہے، کیوں کہ اس طرح وہ قابو سے باہر ہو کر اپنی ماں کے لیے مسائل کھڑے کر سکتے ہیں۔ بہرحال ایک گھریلو زندگی میں بحیثیت شوہر قوسی افراد کی خوبیاں پس پشت چلی جاتی ہیں اور لوگ ان پر غیر ذمے داری اور عدم توجہی کا الزام دھرنے لگتے ہیں۔

قوس دوست

بطور دوست آپ ایک نہایت عمدہ شخصیت ہیں۔ مہربان اور ہم درد، مخلص اور نہایت دریا دل، لیکن قوس افراد جلد اور آسانی سے سچے دوست نہیں بنتے، نہ ہی دوست بناتے ہیں۔ ان کی پسند اور ناپسند انتہائی درجے تک پہنچ جاتی ہے۔ بعض اوقات تو ان کی یہ خصوصیت انتہا درجہ متعصبانہ صورت اختیار کر لیتی ہے، یعنی حد سے زیادہ چاہت یا انتہا درجے کی نفرت۔ درحقیقت دوستی کے معاملے میں بھی قوسی افراد اپنی اصولی و نظریاتی وابستگی کو نظرانداز نہیں کرتے۔ اگر یہ قدر مشترک نہ ہو تو ان کی دوستی اور تعلق میں زیادہ گرم جوشی پیدا نہیں ہو سکتی۔ ایک قوسی شخصیت اپنے نظریات پر حملہ کبھی برداشت نہیں کرسکتی، لہٰذا قوس افراد کی حقیقی دوستی عموماً نظریاتی ہم آہنگی سے مشروط ہوتی ہے۔ ان لوگوں میں(مرد و عورت) وجدانی شعور اور قوت بہت زیادہ ہوتی ہے اور اس کی مدد سے یہ اپنے دوستوں اور خیرخواہوں کو نہایت مفید مشورے دے سکتے ہیں، ان کی رہنمائی کر سکتے ہیں۔ بعض اوقات دوستوں کی بے مہری اور ان کے غلط رویے پر بھی ان کا ردعمل مخالفانہ نہیں ہوتا بلکہ ایسے موقع پر بھی یہ نہایت کشادہ دلی کا مظاہرہ کرتے ہیں اور دوبارہ اگر وہی دوست کبھی رابطہ کرتا ہے تو یہ پچھلے گلے شکوے بھلا کر اسے پھر دل میں جگہ دے دیتے ہیں۔ اپنی اس فراخ دلی سے یہ کبھی کبھی نقصان بھی اٹھا لیتے ہیں۔

[Master Mind]

کی محبت کے رنگ ڈھنگ

قوسی افراد محبت کے معاملات میں ایک طرف تو بڑے گرم جوش اور عشوہ گر ہوتے ہیں، سر تاپا ناز و نیاز نظر آتے ہیں،د وسری طرف بہت خودپرست اور احساس برتری کے حامل ہوتے ہیں۔ یہ دو متضاد ”ادائیں“ جہاں موجود ہوں،و ہاں تو صورت حال خاصی تکلیف دہ اور مزاحمت پیدا کرنے والی ہو سکتی ہے۔ پیار و محبت کی بساط پر ان کے جذبات کا رنگ ان کے موڈ پر منحصر ہے۔ یہ ایک لمحے میں گرم جوشی و جاں نثاری کی تمام حدیں پھلانگ رہے ہوں گے تو دوسرے ہی لمحے میں ان کا لاتعلقی کا انداز بھی قابل دید ہوگا، جیسے جانتے نہیں۔ ان کے یہی رنگ ڈھنگ ان سے محبت کرنے والوں کو ان کے بارے میں غلط فہمی سے دوچار کرتے ہیں۔ قوس افراد کو اپنی اس ادائے بے نیازی کا خیال رکھنا چاہیے۔
ایک چاہنے والے کی حیثیت سے قوسی افراد بہت گرم جوش، بے تکلف، دل کش و خوش نما ہوتے ہیں مگر ضروری نہیں ہے کہ کوئی ایک وابستگی ان کے لیے کافی ہو، یہ کسی ایک کے پابند ہو کر نہیں رہ سکتے۔ انہیں تو ہر دم نت نئی راہوں کی تلاش ہوتی ہے۔ یہ اچھے عاشق تو ہو سکتے ہیں لیکن زیادہ وفادار محبوب نہیں۔ ان کے ساتھ زندگی بھر کا بندھن باندھنا بڑا مشکل کام ہے۔ دراصل وہ محبت کے معاملے میں دانستہ بے وفائی کے مرتکب نہیں ہوتے، بلکہ جب وہ رومانی طور پر کسی سے متاثر ہوتے ہیں تو بے بس ہو کر رہ جاتے ہیں، انہیں خود پرا ختیار نہیں رہتا۔ اگر قوسی افراد کے معاملات دل کا باریک بینی سے جائزہ لیا جائے(جس کی انہیں خود کبھی فرصت نہیں ملتی، نہ ضرورت محسوس ہوتی ہے) تو معلوم ہوگا کہماضی میں ملنے والی مایوسیوں کی وجہ معاملات محبت نہیں خود ان کا جذباتی اتار چڑھاﺅ تھا، جس نے صورت حالات کو پے چیدہ ترین بنا دیا ہوگا۔ ان کی بے چینی اور پُرجوش فطرت اپنے اظہار کے لیے ذریعہ چاہتی ہے جو بعض اوقات ایک کافی نہیں ہوتا، اس لیے ان کی رومانوی دل چسپیوں میں اضافہ ہو سکتا ہے جو خود ان کی نفسیاتی و جذباتی زندگی میں مسائل کا سبب ہوگا۔
قوس خواتین وحضرات کھیل کود کے شوقین ہوتے ہیں لیکن ساتھ ہی اپنے متعلقین کی دیکھ بھال اور کفالت کا جذبہ بھی رکھتے ہیں۔ اگرچہ گھریلو زندگی کے عادی نہیں ہوتے یا گھریلو زندگی انہیں زیادہ پسند نہیں ہوتی۔ ”ایک چکر ہے میرے پاﺅں میں زنجیر نہیں“ کی مثال ان پر صادق آتی ہے، اسی لیے جیون ساتھی سے علیحدگی یا طلاق کا صدمہ اٹھانے کے بعد یہ ضروری نہیں کہ مزید شادی کی آرزو نہ کریں۔ ہاں، یہ ضرور ہے کہ ایک تجربے کی ناکامی کے بعد زندگی میں منفی نوعیت کا طرزعمل اختیار کرلیں اور بہت زیادہ نکتہ چینی و عیب جوئی کو شعار بنالیں۔
قوسی افراد اپنے جیون ساتھی کا بہت خیال رکھتے ہیں اور اس کی ضروریات میں کمی نہیں آنے دیتے لیکن ساتھ ہی ساتھ اسے مکمل آزادی بھی دینے کے حق میں ہوں گے اور اس سے بھی مکمل آزادی کی خواہش رکھیں گے۔ یہ لوگ (مرد و خواتین) بعض اوقات بہت غصہ ور اور اکھڑ مزاج بھی ہو جاتے ہیں۔ اپنے شریک حیات سے بطور انسان تو تمام متوقع محبت اور ادب کا سلوک کرتے ہیں لیکن بعض اوقات شدید طنزیہ انداز بھی اختیار کر لیتے ہیں جسے نظرانداز کرنا شریک حیات کے لیے خاصا مشکل ہوتا ہے مگر اسے نظرانداز کیے بغیر گزارا بھی نہیں ہو سکتا، اس لیے ان کے شریک حیات یا شریک کار کو اس طرزعمل کا عادی ہونا ہی پڑے گا، خواہ اس میں کچھ وقت ہی کیوں نہ لگے۔
قوس اور حمل کا ساتھ

دونوں آتشی برج ہیں۔ آگ اور آگ کا ساتھ ایک دوسرے کے لیے تقویت کا باعث ہوگا۔ علم نجوم کے قواعد کے مطابق بھی دونوں میں موافقت کا زاویہ¿ نظر ہے۔ حمل برج قوس سے پانچواں برج ہے جو محبوب اور انعام کے لیے مخصوص ہے اور قوس، برج حمل سے نویں نمبر پر ہونے کی وجہ سے حمل کی قسمت ہے۔ تیرانداز ہمیشہ مینڈھے(حمل) کو للچائی ہوئی پُرشوق نظر سے دیکھتا ہے اور تیرانداز(قوس) کے تیکھے اور پُرشکوہ انداز کو حمل اپنے شایان شان خیال کرتا ہے۔
قوس اور حمل کی جوڑی دو باحوصلہ وہمت اور جنگ جویانہ صفات کے حامل بروج کی جوڑی ہے۔ حمل کی مثبت صفات بہادری وبے باکی، مستعدی و سرگرمی، بے ساختگی و عملیت پسندی، بے خوفی اور کشادہ و صاف ذہنی ہیں جب کہ منفی خصوصیات میں خودغرضی و غرور، بے صبرا پن، ظلم و تشدد، حسد و جلن، اکھڑپن اور شدت پسندی شامل ہیں۔ یہ دونوں کسی معاملے میں پیچھے ہٹنے والے نہیں ہیں اور دوسروں کے تنازعات میں ٹانگ اڑانے سے باز نہیں آتے۔ ان کی جوڑی کے لیے ضروری ہے کہ یہ خود پر قابو رکھیں، ورنہ دونوں ایک دوسرے کی جان عذاب بھی کر سکتے ہیں۔ دونوں ہی انتہائی چستی، پھرتی اور تندہی کے مظہر ہیں اور ہر وقت کسی نئی مہم کی ابتدا کرنے کو تیار رہتے ہیں۔ ان دونوں کا ساتھ کامیاب رہتا ہے، کیوں کہ ان دونوں ہی میں چند صفات مشترکہ ہیں، یعنی اصول پرستی، تبادلہ¿ خیالات کی عادت، تاکہ حالات کو بہتر سے بہتر بنایا جا سکے۔ قوس افراد کبھی کبھی اپنی بے تدبیری سے نقصان کا سبب بن سکتے ہیں لیکن اس کی ایک وجہ یہ ہے کہ یہ لوگ بہت صاف گو اور نیک نیت ہوتے ہیں۔ حمل افراد کو قوس کی دیانت داری اور صاف گوئی پسند آتی ہے لیکن بعض اوقات خود اپنے بارے میں سچ سننا حمل والے پسند نہیں کرتے۔
قوس اور ثور کا ساتھ

قوس آگ اور ثور کا عنصر مٹی ہے۔ دونوں میں کوئی قدر مشترک نہیں۔ علم نجوم کے قواعد کے مطابق بھی ان دونوں میں باہم کوئی ربط و ضبط موجود نہیں۔ قوس سے ثور چھٹا برج ہے اور ثور سے قوس کا نمبر آٹھواں ہے۔ چھٹا خانہ صحت و کام اور ماتحتی سے متعلق ہے اور آٹھواں خانہ حادثات و خوف کا ہے۔
ثور شخصیت کی مثبت خصوصیات میں باعمل ہونا، قابل اعتماد، نرم دل، فن کارانہ صلاحیت کا مالک، متوازن و وفادار ہونا شامل ہے جب کہ منفی خصوصیات میں ضد، ہٹ دھرمی، غالب رہنے کی خواہش، تعصب، تنگ نظری، سستی اور خودبینی شامل ہیں۔
قوس اور ثور کا اشتراک خاصا دل چسپ ہوگا مگر ان دونوں کے درمیان دیرپا تعلق کے لیے کوئی مناسبت یا مماثلت نظر نہیں آتی۔ کام اور کاروبار میں ثور، قوس کا اچھا ماتحت ہو سکتا ہے لیکن ثور زیادہ عرصہ قوس کی تندہی و تیزی کو برداشت نہیں کرے گا جب کہ قوس اس سے خوف زدہ رہے گا۔ قوس کے مقابلے میں برج ثور زیادہ مالکانہ انداز رکھتا ہے جب کہ قوس ایک صاف گو اور گھلنے ملنے والا فرد ہوتا ہے جو ثور شخصیت کی مرضی کے خلاف متحرک رہے گا۔ ثور افراد کو ایک پُرسکون جگہ میسر آجائے تو وہی ان کےلیے کافی ہوتی ہے جب کہ قوس کی فطرت میں سیر و سفر، گھومنا پھرنا لازمی ہے۔ قوس شخصیت بہت خوش امید ہوتی ہے جب کہ ثور یاسیت پسند ہوتا ہے اور قوس کو اس کی یہ یاسیت و قنوطیت بالکل نہیں بھاتی۔ اگرچہ یہ دونوں بروج بہت صاف گو، صاف دل اور دیانت دار ہوتے ہیں مگر اس حوالے سے بھی ان میں تھوڑا سا فرق ہے۔ قوس شخصیت ہر بات دیانت داری اور صاف گوئی کے ساتھ سوچے بغیر کرتی ہے، اسے اس بات کی فکر نہیں ہوتی کہ اس کی یہ صاف گوئی دوسروں کو کیسی لگے گی۔ اس کے برعکس ثور ایسے معاملات میں خاصا حساس و محتاط ہوتا ہے اور بغیر سوچے سمجھے سچائی کا بھی اظہار نہیں کرتا بلکہ ایسے موقع پر وہ ایک دم چپ سادھ لے گا۔
قوس اور جوزا کا ساتھ

یہ آگ اور ہوا کا ساتھ ہے۔ ہوا آگ کو بھڑکاتی ہے اور جلنے میں مدد دیتی ہے جب کہ حرارت ہوا کی اثرپذیری کو بڑھاتی ہے۔ عناصر کے اعتبار سے دونوں بروج میں بہترین موافقت موجود ہے۔ علم نجوم کے قواعد کے مطابق جوزا اور قوس مقابل کے بروج ہیں۔ دونوں ایک دوسرے سے ساتویں نمبر پر ہیں اور ساتواں خانہ شراکت، مقابلے اور توازن کا ہے، لہٰذا ان دونوں کی جوڑی ہم پلہ ہوگی۔
جوزا شخصیت کی مثبت خصوصیات یہ ہیں: زیرک و دانا، خوش مزاج، ہمہ گیر، ذہین و پُرجوش، مصلحت اندیش اور زندہ دل جب کہ منفی پہلوﺅں میں تذبذب، بے پروائی، خودپرستی، اصول شکنی اور وعدہ خلافی، سخت دلی وغیرہ شامل ہیں۔
قوس اور جوزا کا اشتراک بے حد عمدہ ثابت ہوگا۔ جوزا(مرد و عورت) میں فوری عمل کرنے اور حالات و معاملات سے پریشان نہ ہونے کی خوبی موجود ہے جب کہ قوس ہر معاملے پر بہت سنجیدگی سے نہیں مگر قدرے سہل اندازی سے عمل کرتا ہے۔ دونوں ہی ہنسی مذاق اور تفریح کے شیدائی ہیں۔ گھومنے پھرنے، سیر و سفر سے خوش رہتے ہیں، بہت ذہین ہوتے ہیں اور ان میں بے خوفی اور ہر چیلنج کابہادری سے مقابلہ کرنے کی ہمت اور صلاحیت ہوتی ہے۔ یہ جوڑی کم مدت کے لیے تو بطور خاص بہت ہی لاجواب رہتی ہے، البتہ وقت گزرنے کے ساتھ ساتھ اگر یہ دونوں افراد ایک دوسرے کی خوبیوں اور صلاحیتوں کا درست ادراک نہ کر سکیں توپھر معاملات بگڑ بھی سکتے ہیں۔ (اس کا انحصار ان کے انفرادی زائچہ پیدائش پر بھی ہے)۔
قوس اور جوزا میں وہ خوبیاں ہیں جن کی دوسرے شریک کو خواہش ہوتی ہے۔ قوس میں گرم جوشی، خلوص، اصول پرستی اور کچھ کر گزرنے کے جذبات ہوتے ہیں اور یہ ساری خوبیاں جوزا کی پسندیدہ ہیں بلکہ وہ ان کی خواہش کرتا ہے۔ دوسری طرف جوزا میں بہت توازن ودل کشی، علم و ذہانت، سیکھنے، سمجھنے کی غیرمعمولی صلاحیت، ہنرمندی اور مقصد کے حصول کا جذبہ پایا جاتا ہے اور یہ وہ خوبیاں ہیں جن میں قوس دل چسپی لیتا ہے۔ ان دونوں میں فن کارانہ صلاحیتیں بھی موجود ہوتی ہیں اور یہ فنون لطیفہ کے دل دادہ ہوتے ہیں۔ قوس طنزیہ انداز سے نجات حاصل نہیں کر سکتا اور کوئی تکلیف برداشت نہیں کرتا جب کہ جوزا اپنے تعلقات میںطنزیہ انداز کو داخل نہیں ہونے دیتا۔ وہ تیرانداز کے تیروں کو اپنی خوش مزاجی سے ہوا میں اُڑا دیتا ہے۔ ان دونوں میں ہی ایک دوسرے سے بہت کچھ سیکھنے کی صلاحیت ہوتی ہے چناں چہ یہ ایک بہترین و کامیاب جوڑی ثابت ہوتی ہے

[Master Mind]

اور سرطان کا ساتھ

قوس آگ اور سرطان پانی ہے۔ دونوں کے عناصر میں کوئی موافقت نہیں۔ علم نجوم کے قواعد کے مطابق دونوں میں کوئی رشتہ و تعلق نہیں بنتا۔ سرطان برج قوس سے آٹھویں نمبر پر ہے جو خانہ حادثات و خوف ہے اور سرطان کا نمبر قوس سے چھٹا ہے۔ خانہ ششم ماتحتی، ملازمت اور صحت کا ہے۔[/size]
سرطان شخصیت کے مثبت پہلو یہ ہیں، حساس و دردمند، محکم، ہم درد اور باطنی قوت کا حامل، اثرانداز ہونے والا دل، وفادار، اصول پرست اور تخیلاتی ذہن کا مالک جب کہ منفی خصوصیات میں من موجی پن، نمایاں احساس کم تری، غیریقینی کیفیات، یاسیت پسندی، زودرنجی، منفی انداز فکر شامل ہیں۔
قوس اور سرطان کے لیے اگر یہ کہا جائے تو غلط نہ ہوگا کہ ان دونوں کو ایک دوسرے کے لیے نہیں بنایا گیا۔ قوس کی نمایاں خصوصیات(خوش طبعی اور تفریح پسندی) سرطان کے لیے جسمانی طور پر تکلیف دہ ہو سکتی ہیں، کیوں کہ کیکڑے کی طبیعت تنہائی اور خاموشی پسند ہے۔ ایسی صورت میں دونوں کا یکجا ہونا عجیب سا ہو جاتا ہے۔ سرطان افراد جذباتی ہوتے ہیں اور ایک ہی جگہ جمے رہنا پسند کرتے ہیں جب کہ قوس افراد آزادی پسند اور متحرک ہوتے ہیں۔ ایسی صورت میں دونوں کی جوڑی کس طرح مناسب ہو سکتی ہے؟ مالی معاملات میں بھی قوس کھلے ہاتھ سے خرچ کرتا ہے اور سرطان پیسے کو دانت سےپکڑنے کا عادی ہوتا ہے۔ اس تمام اختلاف مزاج کے باوجود اگر دونوں ایک دوسرے کے لیے کچھ قربانی دے سکیں اور ایک دوسرے کی خواہشات کا احترام کرنے پر راضی ہو جائیں توپھر یقینا وہ سکون سے رہ سکیں گے۔
[/size]قوس اور اسد کا ساتھ

[/size]دونوں کا عنصر آگ ہے اوریہ باہمی طور پر تقویت کا باعث ہے۔ علم نجوم کے قواعد کے مطابق بھی یہ دونوں بروج موافقت کا زاویہ¿ نظر رکھتے ہیں۔ قوس کا نمبر برج اسد سے پانچواں ہے اور اسد، قوس سے نویں نمبر پر واقع ہے۔ گویا قوس، اسد کا محبوب ہے۔ تیرانداز کی ادائیں اور بانک پن شیر کو اپنے شایان شان محسوس ہوں گی اور تیرانداز بھی شیر کے پُروقار انداز اور وجاہت سے مرعوب ہوگا۔[/size]
اسدی شخصیت فراخ دل، باوقار، پُرجوش اور محبت کرنے والی، وفادار و مہربان، خودآگاہ، متحرک، فنکارانہ طبیعت کی مالک اور امیرانہ انداز پسند کرنے والی ہوتی ہے۔ اس کی منفی خصوصیات میں تکبر،شیخی، خودپسندی، ضرورت سے زیادہ پُراعتماد، بے صبراپن اور شدت پسندی شامل ہیں۔
قوس اور اسد کا ملاپ ایک مفید جوڑی بناتا ہے۔ دونوں کی خصوصیات میں ہم آہنگی موجود ہے، دونوں فراخ دل اور پُرجوش جذبات رکھتے ہیں۔ ان میں کچھ نخوت پسندی اور اتراہٹ بھی پائی جاتی ہے۔ قوس ایک مہم جو ہے اور اسد بھی ہر معاملے میں پُرجوش ہوتے ہیں، اس لیے یہ دونوں مل کر خوب سیر و سفر کر سکتے ہیں۔ دونوں ہی خوش امید و خوش مزاج ہیں، اس لیے بھی ایک دوسرے میں بڑی کشش محسوس کرتے ہیں۔دولت کے حصول کے معاملات میں بھی ان میں خاصی یکسانیت پائی جاتی ہے۔ دونوں آزادی پسند ہیں، اس لیے ایک دوسرے کی مصروفیات پر اعتراض نہیں کرتے۔ یہ دونوں ہی دوسروں کے مشوروں پر چلنے کے بجائے خود عملی طور پر ہر تجربے سے گزرنے کو ترجیح دیتے ہیں۔ ان کے درمیان اختلاف کا امکان اس وقت پیدا ہوتا ہے جب قوس اپنی مخلصانہ مگر عاقب نااندیشانہ فطرت کے تحت کوئی ایسی بات یا حرکت کر بیٹھے جس سے اسد کی انا مجروح ہوتی ہو یا اس کی عزت نفس کو ٹھیس پہنچے۔
[/size]قوس اور سنبلہ کا ساتھ

[/size]قوس کا عنصر آگ اور سنبلہ کا مٹی ہے۔ دونوں میں موافقت یا عدم موافقت کا کوئی رشتہ نہیں۔ علم نجوم کے قواعد کے مطابق قوس برج سنبلہ سے چوتھا برج ہے جو گھریلو زندگی اور خاندان سے متعلق ہے اور سنبلہ برج قوس سے دسواں برج ہے۔ یہ خانہ پیشہ ورانہ امور اور عزت و وقار کا ہے۔ اس طرحدونوں بروج کے درمیان کوئی گہرا ہم آہنگ تعلق نہیں بنتا۔[/size]
سنبلہ شخصیت کے مثبت پہلوﺅں میں باقاعدگی، واضح اور معقول رویہ، تجزیاتی ذہن، نپاتلا انداز، باطنی قوت وغیرہ شامل ہیں جب کہ منفی خصوصیات میں بہت زیادہ نکتہ چینی، حد بندی،بے لچک مو¿قف اور رویہ، نظم و ضبط میں سختی، عیب جوئی، کنجوسی اور فتنہ انگیزی شامل ہیں۔ اگر منفی خصوصیات کسی وجہ سے زیادہ ہو جائیں تویہ لوگ اپنے تنقیدی رویے سے دوسروں کی زندگی عذاب کر سکتے ہیں۔
قوس اور سنبلہ کا ساتھ ہرگز خوش گوار اور کامیاب نہیں ہوسکتا۔ قوس کے خیال میں سنبلہ شخصیت حجتی اور بہت تنگ مزاج ہوتی ہے جب کہ سنبلہ کے نزدیک قوس شخصیت نہایت بے دھڑک اور بے صبری ہوگی۔ سنبلہ افراد ہر معاملے میں باقاعدگی اور اصول کے خواہش مند ہوتے ہیں اور ہر پہلو کا باریکی سے جائزہ لے کر درستی کا یقین کرتے ہیں اور یہ بھی درست ہے کہ وہ بعض انتہائی نمایاں کارنامے انجام دیتے ہیں۔ اس کے برعکس قوسی افراد بہت آزاد منش اور خودمختار ہوتے ہیں۔ وہ سنبلہ کی احتیاط اور روک ٹوک کی پروا نہیں کرتے، البتہ وہ سنبلہ کے رکھ رکھاﺅ اور سلیقہ مندی سے متاثر ہوتے اور اس کی تعریف کرتے ہیں۔ سنبلہ کے مفید مشوروں سے قوس کو اپنے کیرئیر کے معاملات میں بڑی مدد ملتی ہے لیکن اسے اپنی آزادی کی قربانی دینا ہوگی، جس کی سنبلہ اجازت نہیں دیتا۔ بہرحال اگر یہ دونوں ایک دوسرے کے ساتھ مسلسل رابطہ رکھیں اور ایک دوسرے کے خیالات سے آگاہ ہوتے رہیں تو زیادہ بہتر ہوگا۔
[/size]قوس اور میزان کا ساتھ

[/size]قوس آتشی اور میزان ہوائی عنصر رکھتا ہے۔ عناصر کے اعتبار سے دونوں میں موافقت ہے۔ علم نجوم کے قواعد کے مطابق بھی دونوں دوستی کا زاویہ¿ نظر رکھتے ہیں۔ قوس سے میزان گیارہواں برج ہے جو امید و خواہشات اوردوستی کا خانہ ہے اور میزان سے قوس کا نمبر تیسرا ہے۔ تیسرا خانہ قریبی رشتوں، ذہنی دل چسپیوں اور اظہار خیال کا ہے۔[/size]
میزان کی مثبت خصوصیات میں شائستگی، خوب صورتی، توازن، انصاف پسندی، مصلحت اندیشی، ذہانت، ہوشیاری وغیرہ شامل ہیں اور منفی پہلو سہل پسندی، کبھی کبھی سستی، تذبذب، خودغرضی اور متلون مزاجی، تنہائی پسندی وغیرہ ہیں۔
قوس اور میزان کا اشتراک بڑا خوب صورت اور شان دار ہو سکتا ہے۔ قوس فرد میزان کی دل کش شخصیت اور لچھے دار باتوں پر فریفتہ ہو سکتا ہے۔ دونوں بروج ہی بہت زیادہ باتوں کے رسیا ہوتے ہیںاور باہم یکجا ہو جائیں تو گھنٹوں اپنی باتوں سے ایک دوسرے کو محظوظ کر سکتے ہیں۔ یہ قدر مشترک دونوں ہی کے لیے ذہنی سکون اور تفریح کا باعث بن سکتی ہے۔ دونوں ہی میں پُرامیدی بہت زیادہ پائی جاتی ہے اور یہ ہمیشہ تصویر کا روشن پہلو ہی مدنظر رکھتے ہیں۔ انہیں قوی امید ہوتی ہے کہ ہر سیاہ رات کے بعد ایک روشن اور دل فریب صبح ضرر طلوع ہوتی ہے۔ ان یکساں اور موافق خصوصیات کے ساتھ ان دونوں میں ایک نمایاں فرق بھی ہے اور وہ یہ کہ قوس فرد(مرد یا عورت) اپنی بے باکی اور غیرضروری صاف گوئی یا رائے زنی سے میزان کی توازن پسندی اور مصلحت آمیزی کو تباہ کرنے کی اہلیت بھی رکھتا ہے۔ بس یہی ان دونوں کے تعلق کا ایک منفی پہلو ہے جو ان کے درمیان کشیدگی کا سبب ہو سکتا ہے۔
[/size]قوس اور عقرب کا ساتھ

[/size]یہ آگ اور پانی کا ساتھ ہوگا۔ دونوں متضاد عنصر رکھتے ہیں۔علم نجوم کے قواعد کے مطابق یہ دونوں جڑواں بروج ہیں۔ قوس عقرب سے دوسرا اور عقرب برج قوس سے بارہواں۔ دوسرا گھر زائچے میں آمدن و مال سے متعلق ہے اور بارہواں خانہ اخراجات اور جذباتی و روحانی سکون سے متعلق ہے۔ چناں چہ قوس(مرد یا عورت) عقرب شخصیت کی آرزو کر سکتا ہے اور عقرب کو بھی قوس سے مالی و معاشی فوائد حاصل ہو سکتے ہیں۔[/size]
عقرب شخصیت کے مثبت پہلو یہ ہیں: پُرعزم و خوداعتماد اور پُرکشش، مصلحت اندیش اور پُراسرار، باہمت، ذی فہم، ثابت قدم اور برداشت کرنے والا جب کہ منفی خصوصیات میں حسد، جلن، دوسروں کو مغلوب رکھنے کی خواہش، طنزیہ انداز، چالاکی و تکبر، کسی حد تک تشدد اور سنگ دلانہ اقدام شامل ہیں۔
قوس و عقرب کی یکجائی عجیب تماشے دکھا سکتی ہے۔ عقرب شخصیت تیرانداز کی متلون مزاجی اور عشوہ گری کو وقتی تفریح اور پسندیدگی خیال کرے گی اور اس سے دور رہنے کی کوشش کرے گی جب کہ قوس شخصیت کو اپنی آزادی سلب ہوتی محسوس ہوگی۔ وہ عقرب کی غلبہ و تسلط پسندی سے گھبرائے گا اور دم گھٹنے والی صورت میں راہ فرار ڈھونڈے گا۔ قوس کی فطرت میں آزادی اور خوش مزاجی شامل ہے جب کہ عقرب ہر رشتے میں شدت اور انتہاپسندی کا قائل ہوتا ہے۔ یوں یہ تعلق خاصا تکلیف دہ ہو جاتا ہے پھر بھی ان دونوں میں ایک قدر مشترک موجود ہے اور وہ یہ کہ یہ دونوں کھلی فضا اور صحت سے محبت کرتے ہیں۔ اس موضوع پر دونوں گھنٹوں گفتگو کر سکتے ہیں مگر اس کے علاوہ کوئی دوسری قدر مشترک ان کے درمیان نہیں ہے۔ قوس کی فطرت اور مزاج میں شکست برداشت کرنے کی بھی صلاحیت ہوتی ہے۔ وہ یہ صدمہ اپنی خوش مزاجی اور خوش امیدی کی وجہ سے برداشت کرلیتا ہے، جب کہ عقرب ذرا سیتکلیف اور شکست بھی برداشت نہیں کر سکتا، خواہ یہ نقصان یا شکست کھیل ہی میں کیوں نہ ہو۔ عقرب فطرتاً بہت متجسس ہوتا ہے، اس لیے اس سے یہ بھی خطرہ ہو سکتا ہے کہ وہ اپنے شریک قوس کی خوش مزاجی اور آزادروی کے بارے میں بھی باریک بینی اور تجسس میں مصروف ہو جائے اور یہ قوس کے لیے بڑی تکلیف دہ بات ہو سکتی ہے۔
[/size]قوس اور قوس کا ساتھ

[/size]دونوں کا عنصر آگ ہے، لہٰذا ایک دوسرے کے لیے تقویت کا باعث ہیں، یعنی یہ دو روحوں کا ملاپ ہوگا، ایک بہترین جوڑی۔ اگر دونوں میں کوئی معمولی اختلاف ہو سکتا ہے تو دونوں کے عشرے کے فرق سے ہی ممکن ہے، وہ بھی نظرانداز کرنے کے قابل۔[/size]
دو قوس شخصیات کا اتحاد بڑا دل چسپ ہوگا۔ دونوں میں دل بھر کر بحث کرنے اور تبادلہ¿ خیال کی اہلیت اور ایک دوسرے کے تجسس کی آتش شوق کو ٹھنڈا کرنے کی صلاحیت ہے۔ دونوں خوش مزاج اور آزاد منش ہیں، اس لیے بہت مطمئن و مسرور کن وقت یکجا گزار سکتے ہیں۔ دونوں میں دوسروں سے ملنے جلنے کا جذبہ ہے، اس لیے باہم مل کر دوسروں کے ساتھ سماجی محفلوں میں شرکت کر سکتے ہیں۔ اپنی یکساں خصوصیات و دل چسپیوں کی وجہ سے دونوں ساتھ ساتھ سیر و تفریح اور دیگر تفریحات میں حصہ لے سکتے ہیں۔ بہرحال ان تمام مثبت پہلوﺅں کے باوجود یہ امکان بھی موجود ہے کہ ان کی بے پروائی ان دونوں میں علیحدگی کا سبب بن جائے۔ اس حقیقت سے انکار ممکن نہیں کہ ان دونوں کی غیر ذمے داری و بے تکاپن ناصرف دوسروں کو ان سے گریزاں کردے بلکہ ان دونوں کے درمیان بھی فاصلہ بڑھا دے اور یہ باہمی طور پر تکلیف دہ ہو جائیں پھر انہیں سمجھانا بھی بڑا مشکل ہوگا۔
[/size]قوس اور جدی کا ساتھ

[/size]قوس کا عنصر آگ اور جدی کا خاک ہے۔ عنصری طور پر دونوں میں موافقت یا عدم موافقت نہیں ہے۔ علم نجوم کے قواعد کے مطابق یہ باہم جڑے ہوئے برج ہیں۔ جدی، قوس سے دوسرا اور قوس جدی سے بارہواں برج ہے۔ دوسرا خانہ آمدن و مال کا ہوتا ہے، لہٰذا قوس کو جدی سے مالی و کاروباری فوائد ہو سکتے ہیں جب کہ بارہواں خانہ روحانی وجذباتی سکون اور اخراجات کا ہے، چناں چہ قوس شخصیت ایک جدی شخصیت کے لیے روحانی و جذباتی سکون کا باعث تو ہوگی لیکن ان کی فضول خرچی جدی کے لیے ناقابل برداشت ہوگی۔[/size]
جدی شخصیت کے مثبت پہلو عملیت و مستعدی، مستقل مزاجی، تعاون، کردار کی مضبوطی، خاموشی وکم گوئی، محنت اور منطقی سوچ جب کہ منفی پہلوﺅں میں شک و بدظنی، سردمزاجی، خودغرضی، مزاحمت، یاسیت، خودسری و ضد شامل ہیں۔
قوس و جدی کا اشتراک مفید ثابت ہو سکتا ہے مگر ایک مختصر عرصے کے لیے۔ تیرانداز میں یہ صلاحیت ہے کہ وہ بکری کو خوش رہنے کے گر سکھا سکے اور قوس کی معیت میںجدی شخصیت میں نکھار پیداہوسکے۔ قوسی افراد میں بہت زیادہ گھلنے ملنے اور خوش گوار ماحول پیدا کرنے کی خوبی ہوتی ہے اور جدی فرد اپنی مزاحمت سے اسے محدود کر سکتا ہے۔ یہ کوشش تیرانداز کو برہم کرے گی۔ وہ جدی کی تنہائی پسندی اور خاموشی سے بھی بور ہوگا اور اداسی و مایوسی کے دورے میں اس کی دل جوئی کرنے کے بجائے طنز کے تیر چلا کر اپنی کسی دل چسپی کی طرف متوجہ ہوجائے گا۔
جدی افراد میں بہت زیادہ گھومنے پھرنے کی عادت بھی نہیں ہوتی، اس کے علاوہ مالی معاملات میں بھی ان دونوں برجوں میں اختلاف پیدا ہو سکتا ہے، کیوں کہ جدی فرد پیسے کو احتیاط سے خرچ کرنا چاہتا ہے، وہ کفایت شعار ہوتا ہے جب کہ ایک قوس فرد کھلے ہاتھ سے پیسہ خرچ کرنے والا ہوتا ہے۔ قوسی شخصیت میں خوش امیدی بلا کی ہوتی ہے جب کہ جدی شخصیت کی یاسیت پسندی اور اکثر مایوسانہ باتیں کسی بھی وقت شروع ہو سکتی ہیں۔ چناں چہ یہ ایک کامیاب اور خوش گوار ازدواجی جوڑی نہیں بن سکتی۔ ہاں، یہ ایک دوسرے کے دوست ضرور بن سکتے ہیں۔
[/size]قوس اور دلو کا ساتھ

[/size]یہ آگ اور ہوا کا ساتھ ہے۔ عنصری طور پر دونوں میں موافقت ہے۔ علم نجوم کے قواعد کے مطابق بھی یہ دونوں بروج موافق زاویہ¿ نظر رکھتے ہیں۔ قوس سے تیسرے نمبر پر برج دلو واقع ہے اور دلو سے قوس کا نمبر گیارہواں ہے۔ اس لحاظ سے قوس کی ذہنی دل چسپیوں کے لیے دلو نہایت مناسب ہے اور دلو کی امید و خواہشات قوس پوری کر سکتا ہے۔ ایک دلو شخصیت اپنے مثبت پہلوﺅں میں دیانت دار و ملنسار، سچائی پسند، مہربان و خوش مزاج، کشادہ نظر و ہردل عزیز، تخلیق کار اور وجدانی صلاحیتوں کی مالکہوتی ہے۔ اس کی منفی خصوصیات میں متلون مزاجی، انوکھاپن، تذبذب، تغیرپذیری، سرکشی وغیرہ شامل ہیں۔[/size]
قوس اور دلو کا اتحاد عجیب و غریب ہے۔ دونوں متلون مزاج ہیں، خیالات کے طوفان میں گھرے رہتے ہیں اور ذرا سا موقع ملتے ہی برقی انداز میں حرکت کرتے ہیں۔ اس جوڑی کا مثبت پہلو یہ ہے کہ مہم جو قوس اپنے دلو ساتھی کی تخلیقی صلاحیتوں کو ہوا دیتا ہے۔ دلو شخصیت تخیلاتی طور پر بڑی آزادرو ہوتی ہے اور قوس شخصیت کھلی فضا کی دل دادہ۔ یہ دونوں مل کر خوب مسرور و شادمان ہوتے ہیں۔ دونوں ہی ایک دوسرے کی اس خصوصیت سے واقف ہوتے ہیں۔ وہ سچائی جاننا چاہتے ہیں اور ہر معاملے میں بے حد متجسس ہوتے ہیں۔ فرق صرف یہ ہے کہ قوس میں حکمت عملی کی کمی ہوتی ہے، اس لیے وہ ہر بات لگی لپٹی رکھے بغیر ایک دم صاف انداز میں کہہ جاتا ہے۔ دونوں میں بات چیت اور مسلسل رابطے کی عادت ہوتی ہے، اس لیے ان کے درمیان ہر معاملے پر گفتگو ہوتی رہتی ہے اور کوئی مسئلہ پے چیدہ صورت اختیار نہیں کر پاتا۔ قوس کا تحکمانہ انداز البتہ دلو کے مزاج پر گراں ہوسکتا ہے، کیوں کہ وہ دوسروں کی برتری پسند نہیں کرتا اور تابع داری بھی نہیں کر سکتا۔ بس یہی ایک اختلافی پہلو دونوں کے درمیان ہے جس کا خیال رکھنا ضروری ہوگا۔
[/size]قوس اور حوت کا ساتھ

[/size]قوس کا آگ اور حوت کا عنصر پانی ہے۔ دونوں کی عنصری حیثیت میں شدید اختلاف ہے۔ علم نجوم کے اصول کے مطابق بھی یہ دونوں بروج مخالف زاویہ¿ نظر رکھتے ہیں۔ حوت کا نمبر برج قوس سے چوتھا اور قوس برج حوت سے دسواں برج ہے۔ زائچہ نجوم میں چوتھا خانہ گھریلو امور، رہائش، مال اور انجام سے منسوب ہے اور دسواں خانہ کیرئیر و پیشہ ورانہ معاملات اور عزت و وقار کی نشان دہی کرتا ہے۔ گویا دونوں بروج کے درمیان اگر کوئی شراکتی دل چسپی ہوگی تو مندرجہ بالا حوالوں سے ہوگی۔[/size]
خوابوں میں رہنے والا، شاعرانہ مزاج اور ساحرانہ خصوصیات کا حامل حوت خاموشی، حیا اور حساسیت کی نمائندگی کرتا ہے، اس لیے اس برج سے متعلق مرد یا عورت کا متلون مزاج اور متحرک، ملنے جلنے کے شوقین قوس مرد یا عورت کے ساتھ گزارا آسان نہیں ہے۔ چوں کہ دونوں برج ایک دوسرے کی ضد ہیں، اس لیے ان کا ملاپ پریشانیوں کا باعث بنا رہے گا۔ قوس شخصیت کو اپنے حوت ساتھی کے ساتھ گزارا کرنے کے لیے اپنے مزاج پر قابو رکھنا ہوگا، جو خود اس کے لیے ایک مشکل ترین کام ہے اس کے بغیر حوت کا سکون سے رہنا ممکن نہیں۔ حوت شخصیت قوس کے مقابلے میں بہت حساس ہوتی ہے،اس لیے کبھی کبھی اسے اپنے قوس ساتھی کی حرکات اور عادات بہت غیرمناسب اور غصہ دلانے والی محسوس ہوتی ہیں۔ حوت کو خاص توجہ اور خیال کی ضرورت ہوتی ہے جب کہ قوس اس معاملے میں کچھ بے پروا ہوتا ہے اور اپنے حوت ساتھی کو اتنی توجہ نہیں دے پاتا جس کی اسے تمنا اور ضرورت ہوتی ہے۔ ان دونوں میں صرف ایک قدر مشترک ہے، مذہب سے دل چسپی اور لگن۔ حوت کو اپنے قوس ساتھی کی اصول پرستی بہت بھاتی ہے مگر قوس افراد میں قدرتی طور پر آزادی اور سہل روی ہوتی ہے، اس لیے انہیں اکثر اپنے متضاد طبیعت ساتھی کی ضرورتوں یا احساسات کا اتنا اندازہ اور خیال نہیں رہتا جتنا انہیںد رکار ہو۔ چوں کہ حوت افراد اپنی ذمے داریوں اور فرائض کی ادائی میں بہت محتاط اور مستحکم ہوتے ہیں، اس لیے انہیں قوس کی بے فکری اور بے پروائی بہت کھلتی ہے۔[/font][/glow]