kabhi lehrein tera chehra jo banane lag jayein
meri ankhein mujhe darya mein bahane lag jayein
kabhi ik lamha fursat jo mayyasar aajaye
meri sochein mujhe sooli per charhane lag jayein
intazar us ka na itna bhi ziada kerna
kiya khabar barf ***halne mein zamane lag jayein
aankh utha ker bhi na dekhein tujhe din mein hum log
shab ko kaghaz pe tera chehra banane lag jayein
woh humein bhoolna chahein to bhula dein pal mein
hum unhein bhoolna chahein to zamane lag jayein
nahin jalta to utarta nahin qarz-e-zulmat
jalna chahoon to log mujhe bujhane lag jayein
ghar mein bethoon to andhere mujhe nochein
bahar aaoon to ujale mujhe khane lag jayein
