Yeh baat samah main aayee nahee
Aur amee nay samjhaee nahee
Main kaisey methee baat karoon
Jab meethee cheez khaee nahee
Yeh baat samah main aayee nahee
Aapee bhee pakatee hain halwaa
Woh aakhir kyun halwaaeee nahee
Bhiaa kee manganee ho gayee hay kal
Kyun kal hee dulhan mungawaeee nahee
Yeh baat samah main aayee nahee
Nanee kay miaan jab naanaa hain
Dadee kay miaan jab daadaa hain
Tab aapee say main nay poochaa
Bajee kay miaan kiaa baajaa hain ?
Woh hans hans kar yeh kahney lagee
Aey bhai nahee, yun bhaai nahee
Yeh baat samah main aayee nahee
Jab naya maheenaa aataa hay
Bijlee kaa bill aa jaataa hay
Halankay badal bechaaraa
Yeh bijlee muft lutaataa hay
Phir hum nay apney ghar bijlee
Kyun badal say lagwaaee nahee?
Yeh baat samah main aayee nahee
Gar bilee shair kee khalaa hay
Phir hum nay usay kyun paalaa hay?
Kia shair bohat naalaaiq hay?
Khalaa ko maar nikaalaa hay
Yaa jangal kay raajaa kay yahan
Kia miltee doodh malaeee nahee?
Yeh baat samah main aayee nahee
Kyun lambay baal hain bhaloo kay
Kyun us kee tind karwaee nahee
Kia woh bhee gandaa bacha hay ?
Yaa us kay abu bhaai nahee ?
Yeh us kaa hair style hay?
Yaa jangal main koi nayeee nahee ?
Yeh baat samah main aayee nahee
Jo tarey jag mag kartey hain
Kia un kee chachee tayeee nahee?
Ho gaa koi rishtaa suraj say
Yeh baat humain batlaaee nahee
Par chaand kiss kaa mamoon hay
Jab amee kaa woh bhaai nahee
Yeh baat samah main aayee nahee
Aur amee nay samjhaee nahee
Main kaisey methee baat karoon
Jab meethee cheez khaee nahee
