Apni khatir jaagey ho soye ho
Apni khatir hansey ho roye ho
Kis liye aaj khoye khoye ho
Tum ne ansoo bohat piye apne
Tum bohat saal reh liye apne
Ab mere sirf mere ho kar raho
Husun hi husun ho zahanat ho
Ishq hoon main to tum mohabbat ho
Tum meri bas meri amanat ho
Ji liye jis qadar jiye apne
Tum bohat saal reh liye apne
Ab mere sirf mere ho kar raho
Rehte ho ranj-o-gham ke gharon main
Dukh ke aasaib ke baseron main
Kese choron tumhen andheron main
Tum ko de doon ga sab diye apne
Tum bohat saal reh liye apne
Ab mere sirf mere ho kar raho
Tum azal se dukhon ke derey ho
Chahe khud ko ghamon se ghairay ho
Jab se paida hue ho mere ho
Tum bohat saal reh liye apne
Ab mere sirf mere ho kar raho
Dil ki har baat dil se kehne do
Meri baanhon main khud ko behne do
Muddaton zakhm khud siye apne
Tum bohat saal reh liye apne
Ab mere sirf mere ho kar raho
Wasi Shah
