Falak pe chand ke Haalay bhi sog karte hain
Jo tu nahin to ujaalay bhi sog karte hain
Tumhare hath ki choori bhi bain karti hai
Hamare hont ke taalay bhi sog karte hain
Nagar nagar main woh bikhray hain zaalim ke manzar
Hamari rooh ke chaalay bhi sog karte hain
Usay kaho ke sitam main woh kuch kami kar de
Ke Zulm tornay waale bhi sog karte hain
Tum apne dukh pe akele nahi ho afsurda
Tumhara chahne waale bhi sog karte hain
Wasi Shah