Meri Ankhon Ke Samnader Main Jalan Kesi Hai
Aaj Phir Dil Ko Tarapnay Ki Lagan Kesi Hai
Ab Kisi Chat Pe Chiraghon Ki Kataren Bhi Nahi
Ab Tere Shehar Ki Galiyon Main Ghuttan Kesi Hai
Baraf Ke Roop Main Dhal Jayen Ge Saaray Rishtay
Mujh Se Poocho Ke Mohabbat Ki Agan Kesi Hai
Main Tere Wisal Ki Khawahish Ko Marne Na Doon Ga
Mosam-e-Hijar Ke Lehjay Main Thakkan Kesi Hai
Reg-Zaaron Main Jo banti Rahi Kaanton Ki Rida
Us Ki Majboor Se Ankhon Main Kiran Kesi Hai
Mujhe Masoom Se Larki Pe Taras Aata Hai
Isay Dekho To Mohabbat Main Magan Kesi Hai
Wasi Shah
