Us ki Aankhon main Mohabbat Ka Sitara Ho Ga
Ek Din Aaye Ga Woh Shakhs Hamara Ho Ga
Tum Jahan Mere Liye Sippiyan Chunti hogi
Woh Kisi or Hi Dunya ka kinara ho ga
Zindagi! ab ke mera naam na shamil karna
Gar yeh tay hai ke yehi khel dobara ho ga
Jis ke hone se meri saans chala karti thi
Kis tarhan us ke bagair guzara ho ga
Yeh achanak jo ujala sa hua jata hai
Dil ne chupkay se tera naam pukara ho ga
Ishq Karta hai to din raat usay sochna hai
Or kuch zehan main aya to khasara ho ga
Yeh jo paani main chala aya sunehri sa garoor
Us ne darya main kahin paaon utara ho ga
Kon rota hai yahan raat ke sunnaton main
Mere jesa hi koi hijar ka maara ho ga
Mujh ko maloom hai jun hi main qadam rakhon ga
Zindagi tera koi or kinara ho ga
Jo meri Rooh main badal se garajte hain WASI
Us ne seenay main koi dard utara ho ga
Kaam mushkil hai magar jeet hi lon ga us ko
Mere Maula ka WASI jun hi Ishara Ho ga
Wasi Shah
