Hum sunayen to kahani or hai
Yaar logon ki zubani or hai
Chara gar rote hain taaza zakham ko
Dil ki beemari purani or hai
Jo kaha hum ne woh mazmoon or tha
Tarjuman ki tarjumani or hai
Nama bar ko kuch bhi hum paigham den
Dastaan us ne sunani or hai
Aab-e-zamzam dost laye hain Aaibas
Hum jo peetay hain woh pani or hai
Sab qayamat kamtoon ko dekh lo
Kia mere jana ka sani or hai ?
Ehal-e-dil ki anjuman main aa kabhi
In ki dunya yaar jani or hai
Shayeri karti hai ek dunya Faraz
Par teri sada bayani or hai
