Ankhon se khwaab dil se tamanna tmam shud
Tum kia gaye ke zouq-e-nazara tmam shud
kal tere tishnigan se ye kia moujeza hoa
darya pe hont rakhay tu darya tmam shud
dunya tu ek barf ki sil se siwa na thi
pohnchi zara jo aanch tu dunya tmam shud
shehr-e-dil-e-tabah main pohnchon tu kuch khuly
kia bach gaya hy raakh main or kia kia tamam shud
ek yad-e-yaar hi tu pas andaaz hy hasan
werna wo kaar-e-ishq tu kab ka tmam shud
