عون و محمد کی شہادت
مجلس چہارم عون و محمد کی شہادت خاندان زہرا پر بلند آواز سے صلواة پڑھیں۔ مزاج معلی پر ناگوار نہ گزرے تو تکلیف کریں صلواة پڑھیں۔ طبیعتوں حیثیتوں نیتوں ذہنیتوں کو اگر گردش دوراں کی حبس آلود تھکن اجازت دے تو تھکن شکن صلواة پڑھیں۔ جس انسان نے توحید کا تعارف اور نبوت کا تحفظ بیک وقت کیا اسے علی کہتے ہیں علی کائنات میں عظیم بھی ہے معظم بھی ہے کریم بھی ہے مکرم بھی ہے علی لائق احترام ہے اور محترم بھی علی کے بغیر نہ چار مکمل ہوتے ہیں نہ پانچ۔ (یہ اتنا مختصرہ نعرہ نہ تھکن کی دلیل ہے نہ زیب دیتا ہے میری قوم کو) علم نے علی کی مدد نہیں کی بلکہ علی نے علم کی مدد کی علی وہ انسان ہے جس کے زچہ خانہ کو تعمیر کرنے انسانوں کو زچہ خانہ تعمیر کرنے والے معماروں کو قدرت کی جانب سے کم از کم اجرت نبوت عطا ہو اسے علی کہتے ہیں علی کا نام اپنے معنی کی طرح بلند ہے علی کا معنی ہے بلند۔ اگر میں ایسے کہہ دوں گا کہ علی بلند ہے تو عام سوچ میں اور مجھ میں کوئی فرق نہیں رہتا میری تحقیق یہ ہے کہ جہاں پہنچ کے بلندیاں معراج محسوس کریں علی کا معنی ہے بلند علی جس گھر میں پیدا ہوا وہ گھر بھی علی ۔ (اتنا بڑا مجمع اتنے خوبصورت ذہن اور ذہانت رکھنے والے سامعین صاحبان فکر تشریف فرما ہیں)۔ علی کا مزاج بھی علی … علی کا کام بھی علی علی کا نام بھی علی … علی کی گفتگو بھی علی علی کی رفتار بھی علی … علی کا معیار بھی علی علی کا کلام بھی علی … علی کا نام بھی علی علی کا سلام بھی علی … علی کی طبیعت بھی علی علی کی نیت بھی علی … علی کی شخصیت بھی علی علی کی زوجہ بھی علی … علی کا بیٹا بھی علی علی کا باپ بھی علی … علی کی ماں بھی علی علی کا دادا بھی علی … علی کا نسب بھی علی علی کا حسب بھی علی … علی کا شجرہ بھی علی علی کا نبی۱بھی علی … علی کا خدا بھی علی علی کو سمجھنے کے لئے ذہن میں بلندیاں ہونی چاہئیں چاہے ہاتھ میں ڈگریاں ہوں علی کو نہ سمجھے تو سمجھ لو ذہنی طور پر پست ہے کیونکہ علی بلند ذہنوں کی سمجھ میں آتا ہے نہ کسی تنگ دل کی سمجھ میں آتا ہے نہ کسی سنگ دل کی سمجھ میں آتا ہے خیرات پہ پلنے والوں کی سمجھ میں علی کیسے آئے جن کے ہاتھوں میں ریال ہوں پاؤں میں ڈالروں کی چھنا چھن ہو علی ان کی سمجھ میں نہیں آ سکتا۔ علی بہت بڑی درسگاہ ہے علی کو سمجھنا ہے تو میثم مزاج بنو علی کو سمجھنا ہے تو ابوذر۱سرشت بنو اگر علی کو سمجھنا ہے تو سلمان۱کی حیثیت اختیار کرو دنیاوی جاہ و جلال رکھنے والوں کی سمجھ میں علی کب آیا ہے علی سمجھ میں نہیں آتا۔ میثم جیسے لوگوں کی سمجھ میں علی آتا ہے مختار جیسے لوگوں کی سمجھ میں علی آتا ہے عام لوگوں کی سمجھ میں علی نہیں آتا۔ ڈاکٹر گبن جیسے متعصب مزاج مورخوں نے علی کو دیکھا علی کی ہسٹری پڑھی علی کے خطبات پڑھے نہج البلاغہ کا پہلا خطبہ پڑھ کے دیکھا کہ علی چودہ سو سال پہلے عرب کے بدوؤں میں کھڑے ہو کر یہ خبر دے رہا تھا کہ زمین کیسے وجود میں آئی؟ یہ آسمان کیسے وجود میں آیا؟ فرشتوں کی حیثیت کیا ہے؟ ملائکہ کی اہمیت کیا ہے؟ انسان کن کن اجزاء سے ترتیب پا کے بنا؟ فرشتے کیا ہیں؟ آسمان کیا ہے؟ زمین سے سورج کا فاصلہ کتنا ہے؟ زمین اور سورج کے درمیان آپس میں رابطہ کیا ہے؟ جنت کیا ہے؟ دوزخ کیا ہے؟ ڈاکٹر گبن چکرا گیا کہ مسلمانوں میں سائنسی ایجادات سے پہلے بھی کوئی ایسا عالم تھا جو یہ سب کچھ بتا گیا پھر بھی کہتا رہا: "سلونی! سلونی قبل ان تفقدونی "(میں بتا کے تھکا نہیں) اگر مجھ سے پوچھنا ہو تو پوچھ لو اس سے قبل کہ میں اپنے اصلی وطن کو واپس چلا جاؤں۔" پتہ نہیں سمجھ میں آ رہی ہے میری بات یا نہیں۔ اس سے پہلے کہ میں اپنے اصلی وطن کو چلا جاؤں تو پوچھ لو۔ گبن نے پہلا خطبہ علی کا دیکھا ساٹھ سوال منتخب کئے آج کے سائنس دانوں کو لکھ کے بھیجے کہ تمہاری سائنسی تحقیقات میں پانی کیسے وجود میں آیا؟ زمین اور چاند کے درمیان فاصلہ کتنا ہے؟ زمین و آسمان کے مابین کتنا فاصلہ ہے؟ ایک سال کے بعد اسے سوالوں کے جوابات ملے اس نے صاف لکھا کہ میں مسلمان نہیں لیکن مسلمانوں کے پیشوا علی کے خطبات اور سائنس دانوں کے جوابات سے ٹیلی کر کے میں اس بات پر ایمان لایا ہوں کہ "یہ کائنات علی نے خود بنائی یا اس کے سامنے بنائی گئی"… (نعرئہ حیدری) ان کی سمجھ میں علی نہیں آیا کچی پکی روٹی کھانے والوں کی سمجھ میں علی آ جائے تو علی علی نہیں رہتا۱ علم و عمل کا نیک قبیلہ ہے مرتضیٰ (شاید میں نے غلط موقع پر رباعی پڑھی ذہنی طور پر شاید آپ تیار نہیں تھے رباعی بدلتا ہوں)۱ ۱ دریائے علم و فضل کا گوہر تو ہے علی (اتنے بڑے مجمع میں اگر بلند آواز سے یاعلی کہو اور اکٹھے بولو تو لطف بھی آتا ہے باہر آواز بھی جاتی ہے اور علی والوں کے خلاف بولنے والوں کی زبانوں پہ تالے لگ جاتے ہیں اگر سارے مل کے بولو تو…) دریائے علم و فضل کا گوہر تو ہے علی احساس کردگار کا جوہر تو ہے علی جو کچھ رسول نے کہا علی کے بارے میں سب کچھ بھلا دو جن میں علی کے فضائل ہیں ان کتابوں کو بھلا دو صرف اتنا یاد رکھو صرف یہی ایک فضیلت یاد رکھو کہ۱ دریائے علم و فضل کا گوہر تو ہے علی احساس کردگار کا جوہر تو ہے علی اب کیا کہوں علی کی فضیلت کے باب میں کچھ بھی نہ ہو بتول کا شوہر تو ہے علی (نعرئہ حیدری) کچھ بھی نہ ہو بتول کا شوہر تو ہے علی وہ بتول جو کساء کے نیچے پنجتن کے خصوصی اجلاس کی صدارت کرے جی ہاں بتول بہت بڑی ہستی کا نام ہے۔ (جاگا ہوا مجمع ہے میرا کوئی لفظ ضائع نہیں ہونا چاہئے) میرا جی چاہتا ہے کہ ۲۲ سال کے کڑیل جوان علی کا احد کے میدان میں احد کے چار ہزار دشمنوں پر ۲۲ سال کے کڑیل جوان علی کا۔ جوان میں نے کہہ دیا معافی چاہتا ہوں جوانی کے موسم نے علی کے خدوخال سے خوشبو کی بھیک مانگی لفظ تو ہیں… موسم شباب نے علی کے پہلے نقش قدم پہ بوسہ دینے کی اجازت مانگی۔ احد کا میدان احد کے دشمن (جیسے استقبال کیا ہے پہلے لفظ کا اسی طرح میرے ساتھ بولتے آئیں)۔ جنگ بنو نظیر کے بعد بھی آرام نہیں فرمایا کائنات کے حقیقی رسول نے یا بہت سے قبائل اکٹھے ہو گئے۔ (لطف نہیں آ رہا؟… یوں نہیں) عرب کے ۴۲۰ قبائل اکٹھے ہوئے۔ (میں نے کردار بھی بتایا ہے تعداد بھی بتائی ہے) ۴۲۰ قبائل اکٹھے ہوئے کہ معاذ اللہ اللہ کا دین ختم کر دیں خاکم بدھن۔ عرب کے ان قبائل کی سازش ہوا نے امانت کے طور پر نبوت کی سپریم کورٹ کے چیف جسٹس کے ایوان سماعت میں پہنچائی توحید اور نبوت کی افواج کے ازل سے ابد تک کے متفقہ چیف آف دی آرمی سٹاف علی کو بلایا رسول نے۔ سنا ہے یاعلی دشمن پھر تل گئے حملے کے لئے ابرو کے اشارے پر کائنات کو ترتیب دینے والا علی کہتا ہے جیسا آپ۱کا حکم ہو صرف اذن چاہتا ہوں آواز آئی شاباش علی ولایت اور نبوت کے مشترکہ تربیت یافتہ علی کو… پیغمبر نے سجایا علی کو ابوطالب کا خود سر پر رکھا عبدالمطلب کی زرہ پہنائی ابوطالب کے نعلین پہنائے ہاشم کا کمر بند باندھا بائیس سال کا علی دھوپ میں چل پھر کے اپنے سائے کو دیکھ کے کہتا ہے کیسا لگ رہا ہوں؟ شاباش یاعلی پہنچ گئے احد کے میدان میں۔ چوتھی جماعت میں میں نے پڑھا تھا آپ نے بھی پڑھا ہو گا ایک درہ تھا رسول نے پہلے ترتیب بناتے ہوئے کچھ تیراندازوں سے کہا تھا کہ درہ نہ چھوڑنا جنگ جیتیں یا ہاریں درہ نہ چھوڑنا مسلمانوں کی بدقسمتی ہے درہ کہاں نہ چھوڑنا در کہاں نہ چھوڑنا جب بھی درہ چھوڑا یا در چھوڑا مارے گئے۔ (جاگتے آؤ میرے ساتھ ساتھ بیدار ذہنوں سے مخاطب ہوں) جنگ جیت لی گئی ٹوٹ پڑے مال غنیمت پر مجاہد بڑے وعدے کر کے آئے تھے قرض اٹھا کے آئے تھے واپس آئیں گے قرض اتاریں گے ٹوٹ پڑے مال غنیمت پر یہ اپنا مال غنیمت سمیٹ رہے تھے کفار نے درہ خالی دیکھ کر پلٹ کے پشت سے حملہ کیا اب اولمپشن کھلاڑی دوڑے۔ میں خوبصورت لفظوں میں بات کرنے کا عادی ہوں تاکہ کسی کی توہین بھی نہ ہو میڈل ملے تو دوڑ پڑے اکیلا بچ گیا اللہ کا رسول۱ چار ہزار دشمنوں میں ایک ظالم نے گستاخی کی پتھر مارا در دندان شہید ہوا۔ ادھر در دندان شہید ہوا دشمنوں کی صفوں میں گھرے ہوئے پیغمبر۱۱کو… وحدت کی یونیورسٹی میں نبیوں کو دیا جانے والا پہلا سبق یاد آیا کہ جب دشمنوں میں گھر جاؤ تو کسے پکارنا ہے؟ دونوں ہاتھ بلند کر کے اللہ کا رسول۱کہتا ہے ہر مشکل میں اللہ کی قیمتی ترین امانتوں کا تحفظ کرنے والے علی اگر کہیں ہے تو جلد آ کہیں ہے تو جلد آ۔ نعلین نہیں سنبھلی ابوطالب کے بیٹے نے دشمن کی تعداد نہیں دیکھی دوڑ پڑا علی لبیک یارسول اللہ! انہیں دوڑتا ہوا دیکھتا ہے پھر دوڑتا ہے علی نے وار کیا پہلا دوسرا تیسرا علی کی تلوار ٹوٹ گئے علی کے ہاتھ سے دوسری تلوار کھینچی پھر حملہ کیا دشمن پر پھر وار کیا پھر تلوار ٹوٹ گئی پھر وار کیا پھر تلوار ٹوٹی دشمن پر وار کیا اس کی تلوار کھینچی پھر حملہ کیا پھر تلوار ٹوٹی۔ اللہ جانے کتنا جلال تھا علی میں تلوار ٹوٹتی جاتی ہے تلوار کھینچتا جاتا ہے کیسا زعم تھا علی کا حملہ کرتا جاتا ہے تلوار کھینچتا جاتا ہے وار کرتا جاتا ہے دشمن مرتے جاتے ہیں آوازیں دیتا جاتا ہے یارسول اللہ۱ گھبرانا نہیں میں آیا کہ آیا۔ ۸۰ سے لے کر ۳۰۰ تک تلواریں ٹوٹیں یہ میری ذاتی تحقیق ہے۔ جب علی کے ہاتھ ۸۰ سے ۳۰۰ تک تلواریں ٹوٹ گئیں ادھر ملائکہ نے ہجوم کیا اللہ سے کہا تیرا بھی عاشق ہے ہمارا بھی محبوب ہے پہنچے گا ضرور رسول تک جا رہا ہے چھوڑے گا نہیں دشمنوں کو بھیج کوئی ایسی تلوار جو نہ ٹوٹے نہ چھوٹے۔ جو نہ ٹوٹے نہ چھوٹے ادھر فرشتوں نے دعا مانگی قرآن کے مطابق اللہ نے حدید نازل کیا پتہ نہیں اسے کتنے ہزار فرشتوں نے ڈھالا تلوار دولخت ہوئی۔ لفظ ادیبانہ شاعرانہ ہے یا دانشورانہ ہے اللہ جانے کس انداز میں تلوار اتری میں بھی یہی کہتا ہوں آیت بن کے اترتی آئی علی ابھی سوچ ہی رہا تھا کہ تلوار نے آ کے علی کا ہاتھ چوما۔ علی کے ہاتھ کی نرمی نے تلوار کی گرمی محسوس کی علی کہتا ہے تو کون؟ عرض کی تیری کنیز ہوں۔ کہاں سے آئی ہے؟ عرش سے۔ علی کہتا ہے یہ تو ہم جانتے ہیں کہ ہماری کنیزیں عرش سے آتی ہیں کس نے بھیجا؟ خالق نے۔ علی نے تلوار کو دیکھ کے کہا ٹوٹے گی تو نہیں؟ تلوار علی کی کلائی چوم کے کہتی ہے یاعلی مولا تیری دلیری کی قسم قیامت تک تو چلاتا رہ نہ ٹوٹوں گی نہ چھوٹوں گی تیرے بعد تیری نسلوں کے کام آؤں گی تیرے آخری جانشین کی کلائی چوم کے سوچوں گی کہ زمین پر رہوں یا واپس عرش پہ چلی جاؤں۔ زمین پر رہوں یا واپس چلی جاؤں دیکھو میری طرف اللہ کو بھی علی کا واسطہ دیا جائے تو ٹھکراتا نہیں تمہیں علی کا واسطہ دیکھو میری طرف تیرے آخری جانشین کی کلام چوم کے سوچوں گی زمین پر رہوں یا واپس چلی جاؤں (پوری توجہ) پوری کائنات پہ تلوار کا قبضہ تلوار کے قبضے پہ علی کا قبضہ علی نے تلوار سنبھالی پہلا وار کیا ۳۰۰ دشمنوں کے سر فضا میں اڑے تلوار کہتی ہے مولا سانس نہیں لینا علی نے دوسرا وار کیا تین سو سر فضا میں اڑے تیسرا وار کیا بارہ سو سر جب فضا میں اڑے تو ہانپتا ہوا فرشتہ ہانپتا ہوا ملک الموت نیچے اتر کے تلوار کی نوک چوم کے کہتا ہے ذرا آہستہ چل۔(نعرئہ حیدری) جب فرشتے نے کہا ذرا آہستہ چل تلوار کہتی ہے تو کون ہے؟ دیکھ کے کہتا ہے ایک ہی آقا کے نوکر ہیں اس لئے منت کر رہا ہوں ذرا آہستہ چل تیرا نام کیا ہے؟ آسمانوں پر عزرائیل کہتے ہیں زمین پہ سلجھے ہوئے لوگ ملک الموت کہتے ہیں جن پر ٹوٹ پڑتا ہوں وہ مجھے موت کا فرشتہ کہتے ہیں ہوں فرشتہ یہ الگ بات ہے کہ ہوں موت کا۔ تلوار کہتی ہے پھر میں کیا کروں؟ آواز آئی آہستہ چل تلوار کہتی ہے زندگی کا پہلا امتحان ہے آہستہ کیوں چلوں؟ آواز آئی تجھے تو کرنا پڑتا ہے صرف ایک کام آہستہ چل تلوار کہتی ہے نہیں نہیں میری مرضی میں جیسے چلوں۔ عزرائیل کہتا ہے اتنی اونچی آواز میں نہ بول میرا نام عزرائیل ہے بارعب ہوں موت کا فرشتہ ہوں میری ہیبت سے آسمان کانپتے ہیں پہاڑ میرے نام سے تھرتھراتے ہیں زمین پہ نازل ہوں زلزلے آتے ہیں جس گلی جس بستی میں چلا جاؤں صف ماتم بچھا دیتا ہوں میرے رتبے کا لحاظ کر کوشش کر اتنی زیادہ گستاخیاں اچھی نہیں ہیں۔ تلوار کہتی ہے تو کون ہے؟ آواز آئی میں عزرائیل ہوں تلوار کہتی ہے میں آہستہ کیوں چلوں؟ عزرائیل کہتا ہے ایک ہی آقا کے دونوں نوکر ہیں تجھے ایک کام کرنا پڑتا ہے مجھے ایک ہی وقت میں چار کام کرنے پڑتے ہیں۔ تلوار کہتی ہے کون سے چار کام؟ عزرائیل کہتا ہے کہ تو صرف سر اڑاتی ہے مجھے مرنے والے کی روح قبض کرنا پڑتی ہے اس کا نام لکھنا ہوتا ہے اس کی ماں کا نام لکھنا ہوتا ہے پوری کائنات میں اس کا باپ ڈھونڈنا پڑتا ہے۔(نعرئہ حیدری) (جس کی رگوں میں علی کی محبت ماں کے پاکیزہ دودھ کی طرح خون میں حل ہو کر گردش کر رہی ہوں پوری طاقت صرف کر کے نعرئہ حیدری…) مجھے پوری کائنات میں ڈھونڈنا پڑتا ہے کہ اس کے شناختی کارڈ میں اصل نام کس کا لکھوں ولدیت کے خانے میں؟ عزرائیل کہتا ہے اتنا اونچا نہ بول میں بھی موت کا فرشتہ ہوں جب زیادہ مراتب بتائے عزرائیل نے تلوار کو تو تلوار کہتی ہے علی کی ہتھیلی چوم لے۱ خاموش اس قدر بھی نہ اونچا مقام کر یہ ہے علی کا معجزہ شدید گرمی میں ہوا چل پڑی ہے ہو سکتا ہے سننے آئی ہو کیونکہ اصل عینی شاہد تو یہی ہے۔ احد میں علی کی تلوار کیسے چلی تھی۱ خاموش اس قدر بھی نہ اونچا مقام کر تو میرا ماتحت ہے ادب سے کلام کر واجب ہے تجھ پہ آج میرا احترام کر چل ہٹ مجھے نہ روک ادھر اپنا کام کر عزرائیل کہتا ہے زلزلے کیوں مچا رہی ہے؟ قیامتی کیوں مچا رہی ہے؟ توجہ! توجہ! توجہ اگلے سال تک یہ شعر یاد رہے گا انشاء اللہ داد اور دعا آپ سے قیمت علی سے لوں گا۔ تلوار جھوم کے کہتی ہے۱ کیوں زلزلہ بپا نہ کروں کائنات میں آئی ہوں پہلی بار یداللہ کے ہاتھ میں یہی تلوار علی کے ساتھ خیبر میں خندق میں احد میں حنین میں رہی۔ علی چلے گئے حسن کے پاس آئی حسن نے امانت سمجھ کے رکھ دی کائنات کا ایک مظلوم ایسا ہے جس کے پاس یہ تلوار بھی تھی سارا دن منت بھی کرتی رہی مجھے حکم دے مجھے اذن دے وہی تلوار ہوں جو تیرے بابا کے ہاتھ میں تھی۔ حسین سر جھکا کے کہتا ہے میں غریب ہوں میں غریب ہوں جب سارا دن تلوار کو ہاتھ نہیں لگایا کہتی ہے میں شرمسار ہوں گی ماں کی عزت کا واسطہ تھوڑا سا اذن تو عطا کر کوئی کام تو بتا۔ حسین کہتا ہے کوئی کام کرے گی؟ آواز آئی ہاں! (خدا کرے میں سمجھا سکوں) حسین نے تلوار کو نیام سے نکالا آواز آئی تلوار میں غریب ہوں کام آ پڑا ہے میرا کوئی نہیں رہا میرا اصغر مارا گیا ہے ذرا اس کی قبر تو بنا دے۔(سلامت رہو…) حسین نے تلوار سے کہا میرا اصغر شہید ہو گیا ہے تو اگر میرے کام آنا چاہتی ہے تو میرے اصغر کی قبر بنا پتہ نہیں تلوار نے قبر بنائی کہ نہیں۔ محرم کی چار کا دن گزر گیا پانچویں کی رات چھا گئی آج کے دن حسین کے خیمے فرات سے ہٹائے گئے۔ (جن دوستوں نے دعائیں بھیجی ہیں کوشش کروں گا مشترکہ دعا کروں ہر ایک کا نام لے لے کر دعا مانگنے کے لئے بہت سا وقت چاہئے کیونکہ ۸ محرم کی رات ہوتی ہے دعاؤں کے لئے اگر میں تعمیل نہ کر سکوں تو مجھے معاف کریں اس میں میری نیت کا دخل نہیں ہوتا وقت کی بات ہوتی ہے انشاء اللہ آٹھ کی رات دعائیں مانگیں گے قبولیت کی رات ہوتی ہے آٹھ محرم کو یا پہلے دعائیں لکھ کے دیتے جائیں تاکہ فہرست بن جائے اجازت ہو تو میں مصائب شروع کروں جید عزادار سنتے آتے ہیں… غریب بیٹے ہیں باپ سے زیادہ رئیس کوئی نہیں ان کی شہادت ذاکرین بھی کم پڑھتے ہیں اور علمائے کرام بھی (میں نے کم سنی ہے) وہ کون ہیں؟) بی بی زینب کے دو بیٹے ہیں عون و محمد ان کی شہادت ذاکرین پتہ نہیں کیوں نہیں پڑھتے؟ امام حسین کے ہر بیٹے کی شہادت پڑھتے ہیں لیکن شریکتہ الحسین کے بیٹوں کی شہادت بہت کم پڑھتے ہیں۔ دو بے وارث بچوں کی شہادت پڑھتا ہوں ایک کا نام محمد ہے ایک کا نام عون ہے نو سال کی عمر ہے عون کی اور سات سال کی عمر ہے محمد کی۔ یہ اتنے غریب بیٹے ہیں کہ کربلا سے باہر گیارہویں بارہویں کلومیٹر کے بعد یہاں پتھر کا نشان لگا ہوا ہے زائر جانتے ہیں آج بھی وہاں ان کی قبریں ہیں کربلا سے ۱۲ میل دور سات اور نو سال کے ان بچوں کی۔ یہ اتنے غریب ہیں۔ (شاید آنسو آئیں ان کے حصے کے سرخرو ہو جاؤ گے بی بی زینب سے) یہ اتنے غریب ہیں کہ بارہ محرم کو ان کی لاشوں کے قریب سے گزرتے ہوئے ان کی ماں اس طرح کھڑی ہوئی دونوں بچوں کی لاشیں دیکھ کے کہتی ہے اس وقت مصروف ہوں پھر کبھی آئی تو روؤں گی بھی ماتم بھی کروں گی وہیں کھڑے ہوئے بی بی زینب نے سید زادوں اور سید زادیوں کو پیغام دیا رسیوں میں ہاتھ پابند ہیں بی بی زینب کہتی ہے: "دنیا کے سیدو اور دنیا کی سید زادیو! گواہ رہنا میری نسل ختم ہو گئی میری نسل حسین کے کام آ گئی یہ دو لعل تھے میرے یہ کربلا میں کام آ گئے میری نسل ختم ہو گئی۔ دنیا کے سید و سید زادیو! اگر کبھی فرصت ملے تو شام کی طرف منہ کر کے مجھے اماں کہہ لینا میں سمجھوں گی میرے عون و محمد زندہ ہیں۔ (ہائے اتنی بڑی حسرت) کبھی کبھی مجھے اماں کہہ لینا میں سمجھوں گی میرے عون و محمد زندہ ہیں۔" ان کی شہادت پڑھتا ہوں قبلہ… جن ماؤں کی گود میں بچے ہیں مولا ان کی زندگی دراز کرے جن دلوں میں حسرت ہے اولاد نرینہ کی عون و محمد کے صدقے میں خالق انہیں اولاد نرینہ عطا کرے آج کی رات اگر منت مان لو کہ اگر مجھے بیٹا ہوا تو ہر سال دسویں کے دن دوپہر کے وقت جب عون و محمد کی شہادت کا وقت آئے گا تو اسے میں گھر کے صحن سے باہر صحرا میں لے جا کے دوپہر تک پیاسا رکھ کے اس وقت عون و محمد کی نیاز میں شربت پلاؤں گی زینب راضی ہو جائے گی۔ میں گردن میں کپڑا ڈال کے سوالی بن کے شام کی طرف منہ کر کے آپ کی طرف سے بھی سوالی بن کے شام کی مسافرہ کی خدمت میں گزارش کرتا ہوں کہ ثانی زہرا میری آقازادی اگر وقت ملے تو ترستی گئی ہے تجھے عون و محمد کا پرسہ کسی نے نہیں دیا آج دو لمحے کے لئے تکلیف کر کربلا گامے شاہ لاہور میں اتنے زیادہ مومنین اور مومنات تجھے عون و محمد کا پرسہ دینا چاہتے ہیں۔ آ بی بی ہم سے پرسہ لے روتے بھی آؤ آہستہ آہستہ ماتم بھی کرتے آؤ تاکہ رو سکیں عون و محمد کو بہت بے وارث ہیں یہ بچے۔ (کربلا سے بارہ میل دور ان کی لاشیں گری ہیں ایسا کوئی مظلوم نہیں ہے)۔ حضرت عبداللہ نے کہا روکتا نہیں لیکن ایک گزارش ہے میں عرب کا بہت بڑا رئیس ہوں ہر علاقے میں میری زمین اور جائیداد ہے صرف اتنی گزارش ہے اپنے بھائی سے کہہ تو ساتھ جا رہی ہے ایک وقت کا کھانا حسین سے ایک وقت کا کھانا تیری طرف سے ہو قبلہ بھائی کتنا غریب کیوں نہ ہو بہن کتنی غریب کیوں نہ ہو اپنی بھائی کے بارے میں شاید اتنی بات برداشت نہ کر سکے۔ بی بی زینب کہتی ہے عبداللہ تیری جائیداد سلامت حسین غریب تو نہیں حسین کے پاس بہت کچھ ہے۔ آواز آئی میری ایک اور خواہش ہے یمن جاؤ ایران جاؤ شام جاؤ عراق جاؤ میری ہر علاقے میں اپنی جائیداد ہے وہاں جا کے قیام کرو۔ بی بی کہتی ہے یمن اور عراق کی تو میں بات نہیں کرتی البتہ شام میں جو تیری جائیداد ہے اگر وہاں جا کے آرام کروں مجھے اجازت تو ہے نا کہا کیوں نہیں تیرا اپنا گھر ہے۔ بی بی کہتی ہے اچھا جناب عبداللہ کہتے ہیں جو کچھ ساتھ لے جانا چاہیں لے لیں۔ بی بی کہتی ہے جو لینا چاہتی ہوں لے لیتی ہوں دونوں بچیوں کو ساتھ لیا ایک کمرے میں آئی ماں زہرا کا صندوق کھولا کچھ نہیں اٹھایا زہرا کی بیٹی نے ایک چادر اٹھائی اپنی بیٹیوں کو دیکھ کے کہتی ہے گواہ رہنا میں نے تمہارے باپ کی جائیداد میں سے کچھ نہیں اٹھایا صرف اپنی ماں کے صندوق سے ایک چادر اٹھائی ہے دعا کرو یہ ہی بچ جائے۔(سلامت رہو بھئی) بیٹیاں کہتی ہیں اماں جو کچھ اٹھانا ہے اٹھا لے بی بی چادر جھٹک کے کہتی ہے میرے پاس بہت کچھ ہے میں حسین کے ساتھ جا رہی ہوں صرف ایک چادر لے کے بی بی آ گئی۔ دونوں بیٹیوں کے سر چومے عون و محمد کے رخساروں پر بوسے دیئے دونوں بیٹیوں کو سمجھایا ایک بیٹی اپنے بابا کی خدمت میں رہے دوسری بیٹی کو مخاطب کر کے کہا تیری ڈیوٹی ہے کہ روزانہ میرے بھائی حسین کی بیمار بیٹی صغریٰ کے ساتھ رہا کرنا۔ عون و محمد سے کہا کہ بابا کی خدمت میں رہنا بی بی چلی گئی مدینہ اجڑ گیا۔(اللہ جانے سن رہے ہو یا نہیں) دستور ہے آدھی رات کے وقت کوئی مسافر تیرے بھرے شہر سے نکلے پردہ داروں کو ساتھ لے کے محلے والے سمجھانے ضرور آتے ہیں کہ بھائی کیوں رات کو جا رہا ہے؟ جانا ضروری ہے تو اپنی مستورات کو نہ لے جا رات کا سفر ہے اللہ جانے سفر میں کیا گزرتی ہے؟ قافلہ تیار ہوا پردہ دار محمل میں اونٹوں پر سوار ہوئے جب مدینے سے باہر آ گئی زینب تو عباس کی طرف دیکھ کے کہتی ہے بھیا! اب جہاں جی چاہے لے چل… مجھے مدینے سے روکنے کوئی نہیں آیا۔ آ گئے مکے ۲۸ رجب کو چلے تھے مدینے سے ۳ شعبان کو مکے آئے ۸ ذوالحجہ تک مکے میں رہے ۸ ذوالحجہ کو حسین نے احرام توڑے آخری نماز خانہ خدا سے باہر حسین نے پڑھی نماز سے فارغ ہوئے میرے آقا حسین کی عبا پر ایک بیمار کے دو ہاتھ آئے آواز آئی السلام علیک یا ابا عبداللہ الحسین ! حسین نے مڑ کے دیکھا عبداللہ بھائی ثانی زہرا کا بیمار شوہر حضرت عبداللہ … عبداللہ بھائی کیوں آئے؟ آواز آئی کہاں کا ارادہ ہے؟ حسین نے کہا جس دن کے لئے نانا نے پالا تھا وعدہ پورا کرنے کا وقت آ گیا ہے میں جا رہا ہوں۔ آواز آئی ثانی زہرا کہاں ہیں؟ آواز آئی عباس سے پوچھو۔ حضرت عبداللہ حضرت عباس کے پاس آئے اور کہا ثانی زہرا کس محمل میں ہیں اور میری ماؤں اور بہنو! جب جناب عبداللہ نے کہا کہ عباس ثانی زہرا کس محمل میں ہیں؟ عباس کہتے ہیں عبداللہ بھائی نہ مجھ میں اتنی جرات ہے کہ ہاتھ سے اشارہ کروں نہ مجھ میں اتنی جرات ہے کہ آنکھ سے بتاؤں اکبر سے پوچھ۔ جناب عبداللہ آئے اکبر کے پاس اکبر لے کے آیا اپنی پھوپھی کے محمل کے قریب۔ جناب عبداللہ نے دونوں ہاتھ رکھے محمل پہ حضرت عبداللہ نے رو کے کہا زہرا کی بیٹی میرا سلام قبول کر بی بی نے سلام کا جواب دیا۔ محمل سے باہر حضرت عبداللہ کی آواز سن کے آہستہ سے بی بی نے کہا عبداللہ کہیں روکنے تو نہیں آئے؟ روکنے تو نہیں آیا؟ حضرت عبداللہ کہتے ہیں روکنے تو نہیں آیا ایک مسئلہ سمجھانے آیا ہوں میں جانتا ہوں تو بھی جانتی ہے حسین صرف تیرا بھائی نہیں ہمارا امام بھی ہے مسئلہ ہے کہ جہاں امام وقت پر کوئی مشکل بن جائے کوئی مشکل وقت آ جائے تو ہم پہ واجب ہے کہ اپنی قیمتی سے قیمتی چیز امام وقت پر صدقہ کر دی جائے فدیہ کر دیا جائے اسی طرح سرخرو ہو جاتا ہے انسان۔ حسین چونکہ تیرا بھائی بھی ہے اور ہمارا امام بھی ہے گرمی کا موسم ہے امت مخالف ہے امت دشمن ہو گئی ہے ہو سکتا ہے کوئی مشکل بن جائے کسی مقام پر کسی مشکل میں میرا امام گھر جائے یہ میں چھوٹے چھوٹے لعل لایا ہوں ایک عون اور ایک محمد ایک اپنی طرف سے ایک میری طرف سے حسین پر صدقے کر دینا قیامت کے دن جناب زہرا سے سرخرو ہوں گے ہم نے اپنی اولاد صدقہ کر دی تھی۔ بی بی کہتی ہے عون و محمد کو ایک ۹ سال کا ایک ۷ سال کا حسین کا صدقہ بنا کے لائے ہو یہ حسین کا صدقہ ہیں؟ آواز آئی ہاں یہ حسین کا صدقہ ہیں۔ بی بی کہتی ہے میں زہرا کی بیٹی ہوں یہ صدقہ ہیں میں ہاتھ نہیں لگاتی۔ (اللہ جانے کس طرح مصائب سنو گے) اگر یہ صدقے ہیں تو پھر میں زہرا کی بیٹی ہوں میں صدقے کو ہاتھ نہیں لگاتی بڑے کو عباس کو دے دے چھوٹے کو اکبر کو دے دے اور دونوں سے کہہ دے جب تک ضرورت نہیں پڑے گی میں انہیں بلاؤں گی نہیں جب ضرورت پڑی بلا لوں گی۔ بڑے کو دیا عباس کو چھوٹے کو دیا اکبر کو بڑا عباس کے پاس چلا گیا چھوٹا علی اکبر کے پاس چلا گیا ماں ہے محمل میں قبلہ! سفر شروع ہوا چار مرتبہ بی بی نے کہا عباس ! عون ۹ سال کا تھا بڑا دوڑ کے آیا اماں خیریت ہے؟ بی بی کہتی ہے اکبر ! محمد سات سال کا دوڑ کے آتا ہے اماں خیریت؟ اماں حکم بی بی منہ دوسری طرف پھیر لیتی ہے چار دفعہ بلایا عباس اور اکبر کو دوڑ کے آئے عون و محمد ۔ بی بی نے دونوں بیٹوں کو بلایا عون و محمد (دیکھ بی بی زینب کی تربیت) پاس آئے ہاتھ جوڑ کے کہتے ہیں اماں حکم۔ بی بی نے کہا عون و محمد خبردار! آج کے بعد مجھے اماں نہ کہنا میں زہرا کی بیٹی ہوں تم حسین کا صدقہ ہو۔ (پتہ نہیں سن رہے ہو یا نہیں میں نے بی بی کو دعوت دی ہے کہ آ پرسہ لے) میں زہرا کی بیٹی ہوں تم حسین کے صدقے دونوں ہاتھ جوڑ کے کہتے ہیں زہرا کی بیٹی گستاخی معاف آئندہ ایسا نہیں کریں گے۔ بی بی کہتی ہیں بلاتی ہوں عباس کو آ جاتا ہے عون بلاتی ہوں اکبر کو آ جاتا ہے محمد میں نے کہا تھا جب تک تمہاری ضرورت نہیں پڑے گی نہیں بلاؤں گی جب تک میں نہ بلاؤں نہ آنا کہا ٹھیک ہے۔ یہ ۱۰ ذوالحجہ کا واقعہ ہے۔ ۱۰ ذوالحجہ سے لے کر… ۲ محرم کو حسین کربلا آیا ۱۰ ذوالحجہ سے ۲ محرم ۲۲ دن ۳ محرم ۲۳ دن ۴ محرم کو پورے ۲۴ دن پورے ۲۴ دن پاک حسین کی قسم نہ شہزادوں نے ماں کو دیکھا نہ ماں نے شہزادوں کو دیکھا۔ (روتا بھی آ پرسہ بھی دیتا آ بی بی زینب کو) ۴ محرم کو حُر آیا عباس سے کہتا ہے خیمے ہٹا۔ عباس نے دیکھا حُر واپس چلا گیا حسین کی خدمت میں عباس سے کہنا خیمے ہٹائے۔ حسین نے عباس کو نہیں کہا حسین بی بی زینب کے خیمے میں آئے بی بی زینب سے کہا چار علی تھے ایک کو مدینے چھوڑ آیا ہوں ایک کو کوفے بھیج دیا باقی بچے تھے دو سجاد کا ذمہ میں نے لیا تھا عباس کا ذمہ تو نے لیا تھا۔ پہلی منزل ہے عباس خیمے کیوں نہیں ہٹاتا؟ بی بی کہتی ہے حسین تو جا عباس جانے اور میں جانوں خیمے ہٹوانا ہیں یا کوئی اور کام بھی لینا ہے۔ حسین چلے گئے واپس ۲۴ دن میں پہلی مرتبہ بی بی زینب نے کہا عون و محمد میرے قریب آؤ دونوں شہزادے دوڑ کے آئے دیکھ کے کہتے ہیں زہرا کی بیٹی ہمیں بلایا ہے (ہائے او حسرت) بی بی کہتی ہے جاؤ عباس اور اکبر کو بلا لاؤ۔ دونوں شہزادے پہلے عباس اور اکبر کی طرف نہیں گئے دونوں شہزادے دوڑ کے خیموں میں گئے ہر بی بی سے کہتے ہیں ہمیں مبارک دو آج ہمیں اماں نے بلایا ہے۔ عباس کے پاس آئے پیغام دیا عباس کو بلا کر لائے۔ عباس آئے بی بی نے کہا عباس خیمے کیوں نہیں ہٹاتا؟ آواز آئی میری جرات ہے کہ میں خیمے نہ ہٹاؤں لیکن آقازادی حسین سے ایک بات پوچھ دے ہر بار کہتا ہے خیمے ہٹا کبھی تو یہ بھی کہے فوجیں ہٹا میں عباس ہوں… قبلہ ۵ محرم گزر گئی شہزادے پھر ماں سے دور چلے گئے۔ (کافی رو چکے ہو تھوڑی سی دیر اور پرسہ دے لو انہیں کون رویا ہے؟ بے وارث شہزادے ہیں ترستی گئی ہے ماں کوئی ان کا پرسہ دے) ۴ محرم گزر گئی ۵ محرم گزر گئی ۶ محرم گزر گئی ۷ محرم کو پانی بند ہو گیا میں نے پڑھ لیا تو نے سن لیا پانی بند ہو جائے ہاڑ کے موسم میں ۷ محرم کو پانی بند ہوا بچے پیاس سے تڑپنے لگے۔ ہر بیٹا اپنی ماں کے پاس گیا اور کہا اماں پیاس لگی ہے اماں ہمیں پانی پلا ہر ماں عباس کے خیمے میں آئی لیکن پاک زہرا کی پاک چادر کی قسم عون و محمد کے خیمے میں نہیں گئے دونوں شہزادے ماں کے خیمے کا طواف کرتے رہے۔ دونوں کہتے ہیں اللہ کرے اماں بلا لے اللہ کرے ہم سے پوچھ لے پیاس لگی ہے یا نہیں چھوٹا کہتا ہے خبردار! اماں ناراض ہو گی اگر اکبر کے لئے پانی آیا اس سے بچ گیا تو ہم بھی پی لیں گے ہم صدقے ہیں اگر نہیں ملا تو چپ کر کے بیٹھ جائیں گے۔ (جیو سلامت رہو سلامت رہو حوصلہ حوصلے سے سنتے آؤ میں نے پہلے کہا تھا جو روئے گا ساون کی بارش کی طرح رو دے گا دل کی بات ہے قبلہ اپنا اپنا مقدر ہے)۔ ۷ محرم کو پانی بند ہوا شہزادوں نے نہیں مانگا ۸ محرم ہوئی ان کا طریقہ کیا تھا ان کا وطیرہ کیا تھا ہر بیٹا ماں کے خیمے میں یہ دونوں شہزادے ماں کے خیمے کی پچھلی جانب ماں کے خیمے سے دور ریت پر ایک دوسرے کے گلے میں بانہیں ڈال کر سو جاتے۔ کبھی کبھی محمد اٹھ بیٹھتا اور کہتا عون بھائی اماں بہت یاد آ رہی ہے عون کہتا چپ کر کے سو جا ہو سکتا ہے۔ (سلامت رہو سلامت رہو میں تیرا خادم میں تیرا نوکر سکون سے سنتا آ مولا تیرے بچوں کی زندگی دراز کرے عون و محمد کا واقعہ ہے مانگ لے جو دعا جی میں آئے زینب کے بیٹوں کے صدقے میں مولا تجھے سرخرو کرے گا) ۸ گزر گئی ۹ گزر گئی آ گئی دسویں کی رات (اب میرے بس میں نہیں اب تک میں آرام سے پڑھتا آیا اب میری مجبوری ہے) مغربین کی نماز کے بعد ہر ماں نے دسویں کی رات اپنے اپنے بیٹے کو خیمے میں بلایا ہر ماں اپنی اپنی قربانی بنا رہی ہے۔ یہ دونوں شہزادے یتیموں کی طرح ہر بی بی کے خیمے میں جاتے ہیں ہر بی بی پوچھتی ہے عون و محمد تمہیں تمہاری ماں نے بلایا کہ نہیں؟ دونوں کہتے ہیں جب وقت آئے گا اکبر سے فارغ ہو گی ہمیں بلائے گی اماں نے کہا تھا جب ضرورت پڑے بلاؤں گی۔ (یہ ہے تربیت بی بی زینب کی دادؤد رضا شاہ جی ہر ماں کو زینب نے درس دیا ہے حسین پر قربانی کیسے دی جاتی ہے)
