چھالیہ عنقا ہے مہنگا پان ہـے
"زندگی ہے یا کوئی طوفان ہے"
باکسر ہیں چونکـہ چاروں بیویاں
منہ میں دانتوں کا مرے فقدان ہے
دن میں بھی لیٹے پڑے ہیں لوگ سب
آشیــانہ ہــے کـہ یـہ شــمشــان ہــے
جاؤ سو جاؤ کسی فٹ پاتھ پر
اہلیـہ کا آج پھر یـہ اعلان ہـے
ایک دلہن اور مہر دس لاکھ کا
یـہ مہر ہے یا کـوئی تـاوان ہـے
اپنے شوہر کے لئیے اُس نے کہا
آدمی کے بھیس میں شیطان ہے
جا بجا پیکیں نہیں میں تھوکتا
مـجھ کو کافی آپ کا دالان ہـے
چــار دن کـی زنـدگـی کــے واسطــے
سو برس کا گھر میں مرے سامان ہے
کس طرح عاصی رہیں احباب میں
طنـز ہے ، نشتر ہـے اور بہتـان ہـے
