karon tu kis liye aakhir malaal us ka
use nahin tu mujhe bhi nahin khayal us ka
meri wafa ne banaya he be wafa us ko
kisi ada par nahin he kamal us ka
mere naseeb ki ye bhi tu khush naseebi he
ke mujh ko dekh ke sab poochte hain haal us ka
yahi dua main karon har baras ke pehle din
mere bagher na guzre koi bhi saal us ka
mere urooj ko us ke naseeb main likh de
khuda e paak mujhe sonp de zawaal us ka
