Kabhi Kabhi Miray Dil Mein Khayal Aata He
Ki Zindagi Teri Zulfon Ki Narm Chhaon Mein
Guzarne Paati To Shaadaab Ho Bhi Sakti Thi
Ye Teergi Jo Miri Zeest Ka Muqaddar Hai
Teri Nazar Ki Shoa’aon Mein Kho Bhi Sakti Thi
Ajab Na Tha K Mein Begaanaa E Alam Ho Kar
Tere Jamal Ki Raanaaiyon Mein Kho Rehta
Tera Gudaaz Badan, Tayri Neem-Baaz Aankhein
Inhi Haseen Fasaanon Mein Mein Mehev Rehta
Tere Labon Se Halaawat Ke Ghoont Pee Leta
Hayaat Cheekti Phirti Barehna-Sar Aur Mein
Ghaneri Zulfon Ke Saaye Mein Chhup Ke Jee Leta
Magar Ye Ho Na Saka Aur Ab Ye Aalam He
K Tu Nahin Tira Gham Tayri Justujoo Bhi Nahin
Guzar Rahi He Kuch Iss Tarah Zindagi Jese
Isay Kisi Ke Sahaare Ki Aarzoo Bhi Nahin
Zamaane Bhar Ke Dukhon Ko Laga Chuka Hoon Galay
Guzar Raha Hoon Kuch Anjaani Raahguzaaron Se
Muheeb Saaye Miri Simt Barrhte Aate Hein
Hayaat O Maut Ke Pur-Haul Khaarzaaron Se
Na Koi Jaada E Manzil Na Roshni Ka Charaagh
Bhatak Rahi He Khalaaon Mein Zindagi Mayri
Inhi Khalaaon Mein Reh Jaaon Ga Kabhi Kho Kar
Mein Jaanta Hoon Miri Hum-Nafas Magar Yoonhi
Kabhi Kabhi Miray Dil Mein Khayal Aata He
