Samandarr ke kanarey sahilon ki rait ke aander
Hamarey kitney hi anmmol khawabon ke khazaney hain
Dafeney hain,fasaney hain
Hawa chalti hai jub chho ker
Hamarey dil ke zakhmon ko
Kharabey rooh ke aabad ho jaatey hain yaadon se
Gaye waqton ki baaton se
Kahan ho tum?
Kahin bholey se aa niklo
Ager aaney per kadghan hai
Tu bas itna hi kar dalo
Hawa ke dosh pe behurf sargoshi
Koi belafz sandesa hi kar dalo
Jinno ke wastey itna hi kafi hai
Hamein jeena tu hai aur umar baki hai
Woh aawazein hi sun leyeinge ju koi lub nahi kehtey
Aur aaisey khawaab bun leyeinge,kabhi ju saach nahi hotey
Bas aaisey hi bahanon mein yeh jeevan paar kar leyeinge
Tumharey naam kar deyeinge.
